រថយន្តកុងតៃនឺបុកនឹងរថយន្តកុងតៃនឺខូចខាតធ្ងន់ធ្ងរទាំងសងខាងនៅក្នុងកំពង់ផែអន្តរជាតិ ក្រុងព្រះសីហនុ
ខេត្តព្រះសីហនុ៖ មានករណីគ្រោះថ្នាក់ចរាចរណ៍ដ៏ភ្ញាក់ផ្អើលមួយបានកើតមាននៅក្នុងកំពង់ ផែអន្តរជាតិក្រុងព្រះសីហនុ ដែលបង្កឡើងដោយ រថយន្តប្រភេទកុងតៃនឺបើកបុកគ្នា ប៉ុន្តែពុំបណ្តាលឲ្យមនុស្សគ្រោះថ្នាក់នោះទេ។ ហេតុការណ៍នេះបានកើតឡើងនៅវេលាម៉ោង១៩ និង៣០នាទីយប់ថ្ងៃទី១០ ខែមិថុនា ឆ្នាំ២០១៥ នៅក្នុងកំពុងផែអន្តរជាតិក្រុងព្រះសីហនុ ស្ថិតក្នុងភូមិ៣ សង្កាត់លេខ០៣ ក្រុងព្រះសីហនុ។
ប្រភពនៅកន្លែងកើតហេតុបាននិយាយថា៖ រថយន្តកុងតៃនឺ ក្រុមហ៊ុនឈុន ហុង ម៉ាក ហ្វូស្សូ ពណ៌ខៀវ ពាក់ស្លាកលេខ ភព ៣ក-៤៣៣៥ បើកបរដោយឈ្មោះ ពន្លក ភេទប្រុស អាយុ២៧ឆ្នាំ មានស្រុកកំណើតស្រុកពាមជ័រ ខេត្តព្រះសីហនុ បើកបរក្នុងទិសដៅពីជើងទៅត្បូង (ពីទីតាំងស្តុកកុងតៃនឺឆ្ពោះចេញក្រៅកំពង់ផែ) បានបើកកៀររថយន្តដឹកកុងតៃនឺដឹកទំនិញរបស់ក្រុមហ៊ុនស្រាបៀរអង្គរម៉ាកកាមាស់ពណ៌ស ពាក់ស្លាកលេខ ភព ៣ក-០៧៥១ បើកបរដោយឈ្មោះ អ៊ុក ស៊ីថា ភេទប្រុស អាយុ៥៥ឆ្នាំ មុខរបរបើកបររថយន្តផ្ទាល់ខ្លួន មានទីលំនៅក្រុងព្រះសីហនុ រងរបួសស្រាល។
ប្រភពបន្តថា៖ នៅមុនកើតហេតុគេបានឃើញរថយន្តកាម៉ាស់ពណ៌ស ឈប់លើកកុងតៃនឺនៅក្បែរកន្លែងកើតហេតុ បន្ទាប់ពីលើកកុងតៃនឺរួចរាល់ហើយ គេឃើញរថយន្តកាម៉ាស់នោះ បើកចេញក្នុងទិសដៅចេញពីកំពង់ផែ ប៉ុន្តែគ្រាន់តែងាកក្បាលរថយន្តបានប្រហែល៣ម៉ែត្រ ស្រាប់តែមានរថយន្តកុងតៃនឺពណ៌សបើកចេញពីទីតាំងស្តុកកុងតៃនឺក្បែរនោះ បានបោះពួយយ៉ាងលឿនដូចបើកនៅលើផ្លូវជាតិ ហើយវ៉ាកអើជាមួយរថយន្តមួយគ្រឿងផ្សេងទៀតដែល កំពុងលើកកុងតៃនឺនៅខាងឆ្វេងដៃ ទើបរថយន្តបង្កងាកមកស្តាំវិញក៏បានមកបុករថយន្តរងគ្រោះតែម្តង បណ្តាលអោយប៉ើងសើយក្បាលរថយន្តកាមម៉ាស់ តែសំណាងល្អពុំបណ្តាលរងរបួសធ្ងន់ធ្ងរនោះទេ។ រហូតមកដល់ព្រឹកថ្ងៃទី១១មិថុនានេះ ការដោះស្រាយយ៉ាងណានោះគេនោះពុំទាន់ដឹងនៅឡើយនោះទេ៕ សមុទ្រខៀវ
http://ift.tt/1SapVzg
