ចុង​សប្តាហ៍​ចូលរួម​កម្មវិធី​បារខែម​តាកែវ ទទួល​បាន​ចំណេះដឹង​ការ​ធ្វើ​អាជីវកម្ម​និង​ស្វែង​យល់​ពី​បច្ចេកវិទ្យា​ថ្មី

ចុង​សប្ដាហ៍​នេះ​ ខេត្ត​តាកែវនឹង​មាន​ការ​រៀបចំ​ព្រឹត្តិការណ៍​បារខែម​តាកែវ ២០១៥ ដែល​ជា​ការ​ប្រមូល​ផ្ដុំ​អ្នក​មាន​បទពិសោធន៍​ក្នុង​វិស័យ​អាជីវកម្ម និង​បច្ចេកវិទ្យា ដើម្បី​​ចែករំលែក​ចំណេះដឹង​​និប​បទពិសោធន៍​ថ្មី​​​ដល់​សិស្ស​និស្សិត និង​ពលរដ្ឋ​​ជុំវិញ​ខេត្ត​តាកែវ​ពី​ប្រធានបទទាក់ទង​​ការ​វិវឌ្ឍន៍​នៃ​បច្ចេកវិទ្យា​ថ្មីៗ, ចំណេះដឹង​អ៊ីនធឺណិត, ព័ត៌មាន​សង្គម​ និង​សហគ្រិនភាព​ជា​ដើម។

 

 

ព្រឹត្តិការណ៍​នេះ​ជា​​ឱកាស​ពិសេស​សម្រាប់​ប្រិយមិត្ត​បាន​ជួប​ជាមួយ​វាគ្មិន​ជំនាញ​មកពី​បណ្ដា​ស្ថាប័ន​ផ្សេងៗ ដែល​ពួកគេ​នឹង​ចែក​រំលែក​​ក្នុង​​រយៈពេល ១ថ្ងៃ កន្លះ​​ពី​​ចំណេះដឹង​ថ្មីៗ​ការ​ធ្វើ​អាជីវកម្ម ក៏​ដូចជា​បង្ហាញ​ពី​ការ​វិវឌ្ឍន៍​នៃ​វិស័យ​បច្ចេកវិទ្យា​​ និង​ចំណេះដឹង​ផ្សេងៗ​ទៀត​ទាក់ទង​សង្គម។

 

ក្នុង​ចំណោម​ប្រធានបទ​ប្រហែល ៤៥ ​ដែល​ទាក់ទង​ទៅ​នឹង​បច្ចេកវិទ្យា​អ៊ីនធឺណិត សហគ្រិនភាព អាជីព​ការងារ និង​ការ​រចនា​ច្នៃប្រឌិត​ជា​ដើម ប្រិយមិត្ត​អាច​ជ្រើសរើស​​ប្រធានបទ​ណា​មួយ​​ដែល​ចាប់​អារម្មណ៍​ជាងគេ​​ដែល​​បិទ​នៅ​តារាង​ព័ត៌មាន​នៅ​បរិវេណ​កម្មវិធី ដើម្បី​ចូលរួម​ស្តាប់​និង​​សិក្សា​ស្វែង​យល់​។

 

បារខែម​តាកែវ ២០១៥ ប្រារព្ធ​ឡើង​នៅ​ថ្ងៃ​ទី ២៧ និង២៨ ខែ​មិថុនា ឆ្នាំ២០១៥ នៅ​មជ្ឈមណ្ឌល​​គរុ​កោសល្យ​ភូមិភាគ​តាកែវ៕

 

ព័ត៌មាន​បន្ថែម៖

 

លោក​ អេង វណ្ណៈ       អ្នក​សម្រប​សម្រួល​វាគ្មិនលេខ​ទំនាក់ទំនង​ +855 (12) 305031

 

លោក ជី សុផាត        អ្នក​សម្រួល​កម្មវិធី​លេខ​ទំនាក់ទំនង​ +855 (77) 590 555

 

អ៊ីមែល៖ info@barcampcambodia.org

 

អត្ថបទ៖ ប៊ុណ្ណារ៉ា

http://ift.tt/1Gy0oYh