ស្ត្រីសតិមិនល្អម្នាក់ត្រូវគេចាប់រំលោភរហូតមានកូន លោកមេភូមិបានប្តឹងសមត្ថកិច្ចជាង៣ខែ ហើយមិនឃើញចាត់ការសោះ អ្នកភូមិរិះគន់ថាប៉ូលិសសោះអង្គើយព្រោះគ្មានផលប្រយោជន៍
ខេត្តកំពង់ឆ្នាំង៖ ស្ត្រីម្នាក់ដែលមានសតិមិនល្អ ត្រូវបានគេចាប់រំលោភ បានសម្រេច២ដង និងមានទម្ងន់សម្រាលបានកូនប្រុសមួយរយៈពេល២០ថ្ងៃនេះតែភាគីខាងប្រុសមិនព្រមទទួលខុសត្រូវ ប្រកែកយករួចខ្លួន ដោយសំអាងថានាងជាមនុស្សមានសតិមិនល្អ គ្មានឪពុកម្តាយ សព្វថ្ងៃរស់នៅជាមួយលោកយាយក្រីក្រម្នាក់ដែលអាណិតអាសូរនាង រឿងនេះលោកមរភូមិប្តឹងសមត្ថកិច្ចជាង៣ខែមកហើយពុំឃើញចំណាត់ការអ្វីឡើយ។
លោក ឃួន សុធន់ មេភូមិត្រពាំងស្បូវបានរៀបរាប់អោយដឹងនៅល្ងាចថ្ងៃទី១៤ ខែមិថុនា ឆ្នាំ២០ ១៥ថា៖ ស្ត្រីដែលត្រូវគេចាប់រំលោភខាងលើនេះនាងមានឈ្មោះ វឺន ហៀង អាយុ៣៣ឆ្នាំ នាងគឺជាមនុស្សដែល មានសតិមិនគ្រប់ និងជាកូនកំព្រាដែលឪពុកម្តាយស្លាប់ចោលជាយូរមកហើយ សព្វថ្ងៃនាងរស់នៅតែ២ នាក់ប្អូនប្រុស ក្នុងភូមិត្រពាំងស្បូវ ឃុំស្រែថ្មី ស្រុករលារប្អៀរ។ ចំណែកប្អូនប្រុសរបស់នាង គេរស់នៅជា មួយប្រពន្ធ និងកូនរបស់គេ និងម្យ៉ាងប្អូនប្រុសនាងក៏ជាមនុស្សមិនសូវដឹងខុសត្រូវដែរ ពួកគេរស់ក្នុង ជីវភាព ខ្វះខាតរកព្រឹកសម្រាប់ល្ងាចតែប៉ុណ្ណោះ។
ដោយឡែកស្ត្រីដែលរងគ្រោះដោយការរំលោភខាងលើនេះ បច្ចុប្បន្ននាងត្រូវបានលោកយាយម្នាក់ ឈ្មោះ យាយ តេន ហាន អាយុ៦៥ឆ្នាំ មានទីលំនៅក្នុងភូមិឃុំជាមួយគ្នាបានអោយនាងស្នាក់នៅជាមួយ ព្រោះតែលោកយាយបានមើលឃើញការលំបាករបស់នាងទើបតែសម្រាលកូនថ្មីៗគ្មានអ្នកថែទាំ។ #លោកមេភូមិបានអោយដឹងទៀតថា៖អ្នកដែលរំលោភនាងនោះគឺនាងបានស្គាល់មុខស្គាល់ឈ្មោះច្បាស់ណាស់ អ្នកនោះជាយុវជនម្នាក់ដែលមានអាយុទើបតែជាង២០ឆ្នាំ គេមានទីលំនៅក្នុងភូមិឃុំជាមួយ នាង ដែរ។ នាងបាននិយាយថា៖ យុវជននេះបានចាប់អូសដៃនាងចូលក្នុងព្រៃរំលោភនាងលើកទី១ គឺរំលោភនាងនៅពេលដែលនាងទៅបេះស្លឹករល្ងៀងនៅក្នុងព្រៃខាងលិចភូមិ ពេលនោះគេបានអូសដៃនាងចូលទៅក្នុងព្រៃត្រង់ចំណុចមុខអាស្រមរោងដំរី ចាប់រំលោភបានសម្រេច លើកទី២ក៏នៅទីនោះដែរ នៅពេលដែលនាងបានទៅយកឌីសពីផ្ទះអ្នកភូមិម្នាក់ដែលនៅក្បែរនោះក្នុងទាំង២លើកនេះជននោះតែងតែគំរាមនាងថា បើហ៊ានប្រាប់គេអោយដឹងពីរឿងនេះគេនឹងអារកនាងសម្លាប់ចោល។
លោកមេភូមិអោយទៀតថា៖ករណីខាងលើនេះបន្ទាប់ពីបានដឹងថានាងត្រូវគេរំលោភនិងមានផ្ទៃពោះ លោកបានប្តឹងទៅអាជ្ញាធរឃុំ និងសមត្ថកិច្ចនគរបាលមូលដ្ឋានអោយជួយស្រាវជ្រាវករណីនេះ លោក បាននាំស្ត្រីរងគ្រោះទៅប្តឹងនៅមន្ទីរកិច្ចការនារីខេត្ត អោយជួយអន្តរាគមន៍ផងដែរបន្ទាប់ពីប្តឹងរួចលោក ក៏បានឃើញសមត្ថកិច្ចនគរបាលខេត្តចុះមកថតស្ត្រីរងគ្រោះ និងបានទៅពិនិត្យកន្លែងកើតហេតុថែមទាំងបានសាកសួរនាង និងធ្វើកំណត់ហេតុពីនាងទៀតផង។ ប៉ុន្តែតាំងពីពេលដែលនាងមិនទាន់សម្រាលកូន រហូតមកដល់ថ្ងៃទី១៤ ខែឧសភា ឆ្នាំ២០១៥នេះ មានរយៈពេលជាង៣ខែមកហើយ និងពេលនេះនាងក៏សម្រាលកូនបាន២០ថ្ងៃមកហើយដែរ នៅមិនទាន់ឃើញមានគេទំនាក់ទំនងមកលោក ដែលជាអាជ្ញាធរមូលដ្ឋាន អំពីរឿងនេះនៅឡើយទេ។
លោក សរ សារិទ្ធ នាយប៉ុស្តិ៍នគរបាលរដ្ឋបាលស្រែថ្មីបានអោយថា៖ រឿងរ៉ាវនេះលោកបានបញ្ជូន សំណុំរឿងទៅថ្នាក់លើរួចរាល់ហើយ ឯចំណាត់ការយ៉ាងណានោះ លោកមិនទាន់បានដឹងទៅឡើយទេ ព្រោះមិនទាន់មានបទបញ្ជាពីថ្នាក់លើ។
ប្រជាពលរដ្ឋ និងក្រុមគ្រួសាររួមទាំងអាជ្ញាធរភូមិ ឃុំ និងស្ត្រីរងគ្រោះសំណូមដល់សមត្ថកិច្ចគ្រប់ជាន់ ថ្នាក់ និងមន្ទីរកិច្ចការនារីខេត្តកំពង់ឆ្នាំង មេត្តាជួយពន្លឿនការដោះស្រាយករណីខាងលើនេះផង ដើ ម្បី ផ្តល់យុត្តិធម៌ជូនស្ត្រីម្នាក់រងគ្រោះម្នាក់នេះ ព្រោះនាងកំពុងខ្វះខាតខ្លាំងណាស់ ហើយខណៈនេះនាងកំពុង តែមាន ជម្ងឺ លើសឈាមមិនអាចអោយកូននាងបៅគ្រប់ពេលបានឡើយ៕ ដោយ រិទ្ធិ ជ័យ
http://ift.tt/1FZISwI
