សម្តេច ហ៊ុន សែន ចេញទៅពិនិត្យជំងឺនៅក្រៅប្រទេស
ភ្នំពេញ៖ តាមរយៈហ្វេសប៊ុករបស់សម្តេច ហ៊ុន សែន នាព្រឹកថ្ងៃទី១៨ ខែមករា ឆ្នាំ២០១៦នេះបានចុះផ្សាយឲ្យដឹងថា បានទៅពិនិត្យសុខភាពនៅប្រទេសសិង្ហបុរី។ ព័ត៌មាននេះត្រូវបោះពុម្ពផ្សាយនៅម៉ោងប្រាំណ១១ និង០០នាទីនៅកម្ពុជា។ យើងសូមលើកយកខ្លឹមសារ និងជាប្រសាសន៍របស់សម្តេចទាំងស្រុងនៅខាងក្រោមនេះ៖
«បងប្អូនជនរួមជាតិជាទីស្រឡាញ់! ពេលនេះ ខ្ញុំកំពុងស្ថិតក្នុងមន្ទីរពេទ្យនៃប្រទេសសឹង្ហបូរី ។ ពុំមានជម្ងឺអ្វីធ្ងន់ធ្ងរដែលត្រូវព្យាបាលនោះទេ តែនេះជា ការ តម្រូវរបស់គ្រូពេទ្យ ដែលកំណត់ឱ្យត្រួតពិនិត្យសុខភាពប្រចាំឆ្នាំមួយឆ្នាំម្តងៗ។ ម្យ៉ាងទៀតការងារចុងឆ្នាំ ២០១៥ និងដើមឆ្នាំ ២០១៦ នេះពិតជាច្រើន ដែលខ្ញុំខិតខំដោះស្រាយទាំងយប់ទាំងថ្ងៃ រកពេលសំរាកស្ទើរមិនបាន។
ការដែលខ្ញុំមកពិនិត្យសុខភាពនៅសឹង្ហបូរី មិនមានន័យថាខ្ញុំមិនទុកចិត្តគ្រូពេទ្យកម្ពុជាយើងនោះទេ។ ខ្ញុំពិនិត្យ សុខភាពជាប្រចាំខែ ប្រចាំត្រីមាស ប្រចាំឆមាស និងព្យាបាលជម្ងឺនៅកម្ពុជាដោយគ្រូពេទ្យខ្មែរយើង។ ដោយមាន ការណែនាំរបស់គ្រូពេទ្យកម្ពុជាបានស្នើរឱ្យខ្ញុំពិនិត្យនៅក្រៅប្រទេសដើម្បីធ្វើឱ្យប្រាកដនូវប្រភេទជម្ងឺខ្លះដែលយើងខ្វះឧប្បករណ៍។ វេជ្ជបណ្ឌិតខ្មែរដែលព្យាបាលខ្ញុំបានរួមដំណើរមកជាមួយខ្ញុំ ដើម្បីសហការជាមួយ ពេទ្យសឹង្ហបូរីធ្វើ ការ ពិនិត្យ ដែលនេះជារឿងធម្មតានៃកិច្ចសហការខាងវេជ្ជសាស្ត្រ។ ខ្ញុំនឹងវិលត្រឡប់ទៅប្រទេសវិញនៅថ្ងៃ ទី ២១ មករា ប្រសិនគ្រូពេទ្យអនុញ្ញាតិ។»
តាមរយៈ គេហទំព័រ VOD បានចុះផ្សាយថា៖ «សម្តេច ហ៊ុន សែន មានការណែនាំរបស់គ្រូពេទ្យកម្ពុជាបានស្នើ ឱ្យលោកពិនិត្យនៅក្រៅប្រទេសដើម្បីធ្វើឱ្យប្រាកដនូវប្រភេទជំងឺខ្លះដែលកម្ពុជាខ្វះឧបករណ៍។ លោកថាវេជ្ជបណ្ឌិតខ្មែរដែលព្យាបាលលោកបានរួមដំណើរមកជាមួយសម្តេចដើម្បីសហការជាមួយពេទ្យសឹង្ហបូរីធ្វើការពិនិត្យដែលសម្តេចថានេះជារឿងធម្មតានៃកិច្ចសហការខាងវេជ្ជសាស្ត្រ។
បើតាមនាយករដ្ឋមន្ត្រីលោកនឹងវិលត្រឡប់មកប្រទេសកម្ពុជាវិញនៅថ្ងៃទី២១ខែមករានេះប្រសិនបើគ្រូពេទ្យអនុញ្ញាត។យ៉ាងណាក៏ដោយភាពខ្សោយនៃសេវាសុខភាពនៅកម្ពុជាត្រូវបានរងការរិះគន់ជាបន្តបន្ទាប់ហើយពលរដ្ឋខ្មែរដែលមានលទ្ធភាពគ្រប់គ្រាន់ច្រើនតែទៅព្យាបាលជំងឺនៅក្រៅប្រទេស។ជាមួយគ្នានោះមេដឹកនាំកម្ពុជាកំពូលៗរបស់កម្ពុជារាប់តាំងពីអតីតប្រធានព្រឹទ្ធសភាលោក ជា ស៊ីម ផងក៏បានទៅព្យាបាលជំងឺនៅសឹង្ហបូរីនោះដែរ»៕ កងកួច
http://ift.tt/1ZFV2K0
