អាជ្ញាធរអគ្គីសនីប្រណាំងកង់ពីខេត្តកំពង់ឆ្នាំងទៅខេត្តពោធិសាត់ចូលរួមដាំដើមឈើ៥០០ដើមនៅស្រុកភ្នំក្រវ៉ាញ ខណៈព្រៃឈើនៅតំបន់នោះកាប់ធ្វើជំនួញហិនហោចទៅហើយនោះ
ខេត្តកំពង់ឆ្នាំង៖ អ្នកជិះកង់ប្រណាំងជាង៣០នាក់ រៀបចំដោយអាជ្ញាធរអគ្គីសនីកម្ពុជាបាន
នាំគ្នាជិះកង់ប្រណាំងគ្នាពីឃុំសែប ស្រុកកំពង់ត្រឡាច ខេត្តកំពង់ឆ្នាំង ឆ្ពោះទៅខេត្តពោធិ
សាត់ នៅព្រឹកថ្ងៃទី៣០ ខែមករា ឆ្នាំ២០១៦ ដើម្បីចូលរួមដាំដើមឈើចំនួន៥០០ដើម នៅ
ស្រុកភ្នំក្រវ៉ាញ ខណៈតំបន់ភ្នំក្រវាញនោះត្រូវឈ្មួញឈើ និងឧកញ៉ាឈើមួយចំនួនបានកាប់យ៉ាងរង្គាលធ្វើជំនួញ បាត់បង់ព្រៃស្រោងយ៉ាងធ្ងន់ធ្ងរ។
លោក ទុយ ហុង មន្ត្រីអាជ្ញាធរអគ្គីសនីកម្ពុជា បានអោយដឹងថា៖ ការរៀបចំប្រណាំ
ងកង់នេះបានរៀបចំឡើងដោយ អាជ្ញាធរអគ្គីសនីកម្ពុជាដោយមានការចូលរួមពីមន្ត្រីអគ្គី
កម្ពុជាជាង៣០នាក់ ហើយការជិះកង់នេះបានធ្វើឡើងនៅព្រឹកថ្ងៃទី៣០ ខែមករា ឆ្នាំ២០១
៦ ដោយចេញដំណើរពីឃុំសែប ស្រុកកំពង់ត្រឡាច ខេត្តកំពង់ឆ្នាំង ឆ្ពោះទៅដល់ស្រុកភ្នំ
ក្រវាញ ខេត្តពោធិសាត់ ដែលមានចម្ងាយផ្លូវប្រមាណ១៥០គីឡូម៉ែត្រ។
លោក ទុយ ហុង បានបញ្ជាក់អោយដឹងទៀតថា៖ ការជិះកង់ប្រណាំងខាងលើនេះ
គឺដើម្បីចូលរួមដាំកូនឈើចំនួន៥០០ដើម នៅក្នុងស្រុកភ្នំក្រវ៉ាញនៅព្រឹកថ្ងៃទី៣១ ខែមករា
ស្អែកនេះ រួមចំណែកបង្កើនព្រៃឈើថែរក្សាបរិស្ថានធម្មជាតិអោយមាននិរន្តភាព។
ដោយឡែកនៅពេលក្បួនប្រណាំងកង់មកវិមានឯករាជ្យក្នុងក្រុងកំពង់ឆ្នាំង យុវសិ
ស្សកាយរិទ្ធនៅតាមសាលារៀនជាង៥០០នាក់ ក៏បានរៀបចំជាក្បួនទទួលស្វាគមន៍កីឡា
ករប្រណាំងកង់ទាំងអស់នោះផងដែរ ហើយក្បួនប្រណាំងកង់នេះក៏មានការជូនដំណើរ
ដោយក្បួនរថយន្តសារ៉ែនរបស់កងកម្លាំងនគរបាលចរាចរណ៍ផ្លូវគោកខេត្ត រហូតដល់ព្រំ
ប្រទល់ខេត្តពោធិសាត់ផងដែរ ដើម្បីរក្សាការពារសុវត្តិភាពក្រុមអ្នកប្រណាំងកង់៕
រិទ្ធិ ជ័យ
http://ift.tt/1SRenU9
