បាក់រណ្តៅជីករ៉ែនៅស្រុកកែវសីម៉ា ស្លាប់កម្មករម្នាក់ និងរបួសធ្ងន់ម្នាក់
ខេត្តមណ្ឌលគីរី៖ រណ្តៅជីកយករ៉ែមួយកន្លែងនៅក្នុងស្រុកកែវសីមាបានបាក់សង្កត់សម្លាប់កម្មករម្នាក់ និងរបួសធ្ងន់ម្នាក់ កាលពីវេលាម៉ោង៧ និង១៥នាទីព្រឹកថ្ងៃទី២៧ ខែមករា ឆ្នាំ២០១៦នេះ នៅឃុំចុងភ្លាស់ ស្រុកកែវសីមា ខេត្តមណ្ឌលគីរី ។
បើតាមលោក ស៊ុន ប៊ុនធឿន អធិការស្រុកកែវសីមា បានប្រាប់ឲ្យថា នៅវេលាម៉ោង7 និង15នាទី រណ្ដៅរ៉ែដែល ម្ចាស់មានឈ្មោះ ហេង សម្បត្តិ ភេទប្រុស អាយុ41ឆ្នាំ បានបាក់បណ្ដាលឲ្យស្លាប់កម្មករម្នាក់ និងរបួសធ្ងន់ម្នាក់។ ជនរងគ្រោះបាត់បង់ជីវិតមានឈ្មោះ លឹម សាន្ត ភេទប្រុស អាយុ21ឆ្នាំ មានស្រុកកំណើតនៅមេមត់ឃុំមេមត ស្រុកមេមត់ ខេត្តត្បូងឃ្មុំ និងអ្នករបួសមាន ឈ្មោះ អេន ណៃ ភេទប្រុសអាយុ31ឆ្នាំ មានស្រុកកំណើតភូមិត្បូងពេជ្រ ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ និង ម្ចាស់រណ្ដៅ ឈ្មោះហេងសម្បត្តិភេទប្រុស អាយុ41ឆ្នាំ មានស្រុកកំណើតមេមត់ ឃុំមេមត់ ស្រុកមេមត់ ខេត្តត្បូងឃ្មុំ។
អ្នករងរបួសធ្ងន់ នៅពេលនេះបានកំពុងបញ្ជូនទៅកាន់មន្ទីរពេទ្យ ដើម្បីជួយសង្គ្រោះជីវិត៕ សែនមនោរម្យ
http://ift.tt/1RMQuNx
