អាជីវករ​កាប់​ជ្រូក​ចាស់​ចំនួន​៨​នាក់​ប្តឹងទៅ​រដ្ឋមន្ត្រី​ក្រសួងកសិកម្ម សុំ​មិនអោយ​ការិយាល័យ​ពេទ្យសត្វ​ខេត្ត​បញ្ចូល​អាជីវករ​កាប់​ជ្រូក​ថ្មី​ថែមទៀត​

ខេត្តកំពង់ឆ្នាំង៖ អាជីករកាប់ជ្រូកចាស់ចំនួន៨នាក់ ក្នុងចំណោម១២នាក់ធ្វើអាជីវកម្មនៅក្នុងទីសត្តឃាតនៅក្នុង ក្រុងកំពង់ឆ្នាំង បានដាក់ពាក្យបណ្តឹងនៅថ្ងៃទី១៤ ខែធ្នូ ឆ្នាំ១០១៦ ទៅឯកឧត្តមរដ្ឋមន្ត្រីក្រសួងកសិកម្ម សុំបញ្ឈប់ការបញ្ចូលអាជីវករកាប់ជ្រូកថ្មីបន្ថែមទៀតនៅក្នុងទីសត្តឃាដក្រុងកំពង់ឆ្នាំង ព្រោះថាអាជីវករចាស់មានរហូតទៅដល់១២នាក់ សមស្របនឹងការលក់ចែកចាយជូនប្រជាពលរដ្ឋទៅហើយ និងមានថ្ងៃខ្លះពួកគាត់លក់សាច់ជ្រូកមិនអស់ទៀតផង បើបញ្ចូលអ្នកថ្មីមកអោយកាប់ជ្រូកលក់បន្ថែមទៀតនោះ គឺពិតជាធ្វើអោយជីវភាពពួកគាត់ធ្លាក់ចុះខ្លាំងមិនខានឡើយ។

បងប្អូនជាជីវករចាស់ទាំង៨នាក់ នៅព្រឹកថ្ងៃទី២៩ ខែមករា ឆ្នាំ២០១៦ នៅក្នុតទីសត្តឃាតក្រុងកំពង់ឆ្នាំងបានអោយដឹងថា៖ កាលពីដើមខែធ្នូ ឆ្នាំ២០១៥ ប្រធានការិយាល័យបសុពេទ្យខេត្ត បានហៅអាជីវករចាស់មកប្រជុំប្រាប់ថា ក្នុងឆ្នាំថ្មី២០១៦នេះ ទីសត្តឃាតក្រុកកំពង់ឆ្នាំងនឹងបញ្ចូលអាជីវករកាប់ជ្រូកថ្មីចំនួន៦នាក់ថែមទៀត នៅក្នុងពេលនោះអាជីវករចាស់ទាំង១២នាក់មិនឯកភាពឡើយ។ បន្ទាប់មកនៅរសៀសថ្ងៃទី២៧ ខែមករា ឆ្នាំ២០១៦ ក៏បានហៅអាជីវករចាស់មកប្រជុំម្តងទៀត តែមិនបានប្រជុំដោះស្រាយគ្នាស្រួលបួលផង ក៏បានប្រកាសអោយអាជីវករថ្មីចំនួន៦នាក់ចូលមកធ្វើអាជីវកម្មកាប់តែម្តង។ ហេតុនេះហើយទើបពួកគាត់ ដាក់ពាក្យបណ្តឹងទៅ ឯកឧត្តមរដ្ឋមន្ត្រីក្រសួងកសិកម្ម ស្នើសុំបញ្ឈប់ការបញ្ចូលអាជីវករកាប់ជ្រូកថ្មីបន្ថែមទៀតនៅក្នុងទីសត្តឃាតក្រុងកំពង់ឆ្នាំង ។

អាជីវករចាស់ឈ្មោះ មុំ ធីតា ឈ្មោះ សាយ សុឃីម និងឈ្មោះ សោម ច័ន្ទដារា បាននិយាយថា៖ កន្លងមកការធ្វើ អាជីវកម្មកាប់ជ្រូកក្នុងទីសត្តឃាតនេះ ពួកគាត់បានបង់ថ្លៃអាជីវកម្មក្នុង១ឆ្នាំ២៥ម៉ឺនរៀល , បង់ថ្លៃពិឃាតជ្រូក១ក្បាល ៤ពាន់រៀល , បង់ថ្ងៃភាស៊ី១ក្បាល៥ពាន់រៀល ,បង់ថ្លៃពន្ធដារ១ក្បាល១៥០០រៀល និងអាជីវករ១នាក់ពេលធ្វើជ្រូកក្នុង១ថ្ងៃត្រូវមន្ត្រីពេទ្យសត្វយកសាច់ចម្លកជ្រូក១គីឡូថែមទៀត ហើយក្នុង១ថ្ងៃៗអាជីវករចាស់កាប់ជ្រូកលក់ជាមធ្យមពី២០ទៅ៣០ក្បាលតែប៉ុណ្ណោះ។ចំណែកម៉ូយអ្នកយកសាច់ជ្រូកទៅលក់ប្រចាំថ្ងៃលក់មិនដាច់អស់ទេ ខ្លះជំពាក់លុយពួកគាត់ដល់១០លានរៀលក៏មាន នឹងបើគេបន្ថែមអ្នកកាប់ជ្រូកថ្មីមកច្រើនទៀត គឺកាន់តែលក់មិនដាច់តើអ្នកទាំងនោះមានលុយឯណាសងពួកគាត់ទៅ។ ដោយឡែកការបញ្ចូលអាជីវករថ្មីទាំង៦នាក់ នេះអាចជាអំពើពុករលួយព្រោះពួកគាត់ឮព័ត៌មានក្រៅផ្លូវការថា អាជីវករថ្មីអោយលុយគេក្នុងម្នាក់ៗពី៤ទៅ៥ពាន់ដុល្លាក្រៅផ្លូវការទើបអាចចុះឈ្មោះចូលកាប់ជ្រូកក្នុងទីសត្តឃាតនេះបាន រឿងនេះក៏ស្នើសុំអោយសមត្ថកិច្ចប្រឆាំងអំពើពុករលួយមេត្តាជួយស្រាវជ្រាវផង។

បងប្អូនអាជីវករថ្មីបានអោយដឹងទៀតថា៖ នៅថ្ងៃទី២៨ ខែមករា ឆ្នាំ២០១៦ លោកអគ្គលេខាធិការរដ្ឋមន្ត្រី ក្រសួង កសិកម្ម បានបញ្ជូនលិខិតមួយច្បាប់មកនាយកដ្ឋានផលិតកម្មនិងបសុព្យាលបាល និងមកលោកប្រធានមន្ទីរកសិកម្មខេត្ត កំពង់ឆ្នាំង ដើម្បីពិនិត្យនិងដោះស្រាយជាបន្ទាន់ នៅល្ងាចថ្ងៃទី២៩ ខែមករានេះ បើគ្មានការដោះស្រាយនូវសំណូមពរ របស់ពួក គាត់ទេ ពួកគាត់និងឡើងទៅប្តឹងនៅក្រសួងបន្តទៀត។

ចំណែកស្ត្រីឈ្មោះ ឆៃ សុវណ្ណា ជាអាជីវករថ្មីវិញ បានបកស្រាយថា ពួកគាត់ចុះឈ្មោះសុំចូលជាអាជីវករថ្មីនេះ បង់ថ្លៃច្បាប់អស់តែ៨ម៉ឺនរៀលតែប៉ុណ្ណោះព្រោះមុខរបរនេះជាទីផ្សារសេរីគេអាចករស៊ីបានពួកគាត់ពួកគាត់ក៏អាចរកស៊ីបានដែរនិងមិនបានសូកអ្នកណាឡើយ បើមានលុយ៤ទៅ៥ពាន់ដុល្លាពួកគាត់ទុកប្រកបមុខរបរផ្សេងប្រសើរជាង។
ទាក់ទងនិងរឿងខាងលើនេះ លោក ក្រឹង សំអាត ប្រធានការិយាល័យផលិតកម្មនិង

បសុព្យាបាលបានបញ្ជាក់ អោយដឹងថា៖ ច្បាប់ធ្វើអាជីកម្មក្នុងទីសត្តឃាតមិនបាន កំណត់ ចំនួនអ្នកធ្វើប៉ុន្មាននាក់នោះទេដោយក្នុង១ឆ្នាំត្រូវសុំច្បាប់ ម្តងបង់តែ៨ម៉ឺនរៀលតែប៉ុណ្ណោះព្រោះជាទីផ្សារសេរី គឺអ្នកស្មគ្រ័ចិត្តចូលធ្វើប៉ុន្មាននាក់ក៏បាន ព្រោះបើធ្វើបានច្រើននាក់ តម្លៃសាច់ជ្រូកអាចនិងចុះថោកចំណេញអ្នកហូប ព្រោះសព្វថ្ងៃសាច់ជ្រូកលក់នៅតាមស្រុកថោកជាងសាច់ ជ្រូកលក់នៅ ក្នុងទីក្រុងកំពង់ឆ្នាំង ចំពោះរឿងខាងលើនេះ ការិយា ល័យជំនាញនិងធ្វើរបាយការណ៍បំភ្លឺជូនថ្នាក់លើដើម្បី ជ្រាប។មន្ត្រី ពេទ្យ សត្វម្នាក់បាននិយាយថា ការចំណាយ ប្រាក់រត់ការចុះឈ្មោះរបស់អាជីវករថ្មីពិតជាមានខ្លះៗ ហើយជៀសមិនរួច នោះទេ

ដោយឡែកខាងមុខនេះ ការិយាល័យជំនាញដល់ពេលត្រូអនុវត្តច្បាប់លេខ១០៨ហើយ ដោយមុនពេលពិឃាត ជ្រូកលក់ អ្នកធ្វើអាជីវកម្មត្រូវធ្វើលិខិតសុំពិឃាតជ្រូកជាមុន និងដោយមានការពិនិត្យសុខភាពសត្វអោយបានត្រឹមត្រូវពី មន្ត្រីជំនាញ ទើបអនុញ្ញាតអោយពិឃាតជ្រូកលក់៕ រិទ្ធិ ជ័យ

KA-30-01-2016-15 KA-30-01-2016-16 KA-30-01-2016-17