បុរសចំណាស់ម្នាក់ហូបបាយជាមួយស្រា(ស) រួចឆុងការហ្វេផឹក ពុលសន្លប់ស្តូកស្តឹង និងបានស្លាប់បន្ទាប់ពីបញ្ជូនទៅមន្ទីរពេទ្យ
ខេត្តមណ្ឌលគិរី៖ បុរស់ម្នាក់បានហូបបាយជាមួយស្រា ស រួចហើយឆុងការហ្វេកញ្ចប់ផឹកក្រោយបន្តិចបុរសនោះពុលសន្លប់ស្តូកស្តឹង បង្កឲ្យមានការភ័យឆោឡោក្នុងគ្រួសារ ហើយភ្លាមនោះបានបញ្ជូនយ៉ាងតក់ក្រហល់ទៅសង្គ្រោះនៅមន្ទីរពេទ្យខេត្ត។ តែទៅដល់មន្ទីពេទ្យបានប្រមាណកន្លះម៉ោងគាត់បានស្លាប់បាត់បង់ជីវិតទៅហើយ។ ហេតុការណ៍នេះបានកើតឡើងនៅវេលាម៉ោងប្រមាណជា២យប់ថ្ងៃទី28 មករា 2016 នៅភូមិក្រង់តេះ ឃុំក្រង់តេះ ស្រុកពេជ្រាដា ខេត្ត មណ្ឌលគិរី។
សាច់ញាតិរបស់សាកសពបានឲ្យដឹងថា៖ បុរសដែលស្លាប់បាត់បង់ជីវិតនោះមានឈ្មោះ នូស ហូង ភេទប្រុស អាយុ45ឆ្នាំ ជាជនជាតិ(ព្នង) មានប្រពន្ធឈ្មោះ ថា ឆើល ប៉ិន ភេទស្រី អាយុ៣៧ ឆ្នាំជាជនជាតិ(ព្នង) មានកូនស្រី២នាក់ និងមានទីលំនៅភូមិកើតហេតុខាងលើ ដែលគ្រួសារមានស្ថានភាពក្រីក្រ។ ទោះយ៉ាងណាភរិយា និងសាច់ញាតិបានរៀចំធ្វើពិធីបុណ្យតាមប្រពៃណីជនជាតិ ៕ សែនមនោរម្យ
http://ift.tt/1PJ2itG
