មន្ត្រីគយឈ្មោះ សៀក ចាន់ ស្រវឹងស្រាជោគបើករថយន្ត Lexus 470 បុករះបុកហើយបុកទៀតបណ្តាលម៉ូតូ៣គ្រឿង និងរថយន្ត២គ្រឿង និងបាក់របងកាស៊ីណូ២ម៉ែត្រ បន្ទាប់ពីបង្កហេតុមន្ត្រីគយដាក់មេប្រូច
ខេត្តបាត់ដំបង៖ មន្ត្រីគយម្នាក់ ឈ្មោះ សៀក ចាន់ ភេទប្រុស អាយុ៤៥ឆ្នាំ ប្រចាំច្រកទ្វាតំបន់គីឡូ១៣ (ហៅភ្នំដី) ស្ថិតក្នុងស្រុកសំពៅលូន ខេត្តបាត់ដំបង បើករថយន្ត Lexus 470 ពណ៌ទឹកស្ករ បុករះនៅទីប្រជុំជនផ្សារកំរៀង ខេត្តបាត់ដំបង នាល្ងាចថ្ងៃទី៣១ ខែមករា ឆ្នាំ២០១៦នេះ។ នៅក្នុងហេតុការណ៍នោះបង្កការភ្ញាក់ផ្អើលឆោឡោមនុស្សរត់គេចចែកជើងគ្នានៅលើដងផ្លូវគេចចេញពីសម្ទុះនៃរថយន្តរេនិងបុករះម្តងហើយម្តងទៀតទីបញ្ចប់បានរថយន្តបានថយក្រោយបុករបងការស៊ីណូពេញទំហឹងបាក់អស់២ម៉ែត្រកៀបជាន់។
សមត្ថកិច្ចបានឲ្យដឹងថា រថយន្តមន្ត្រីគយបង្កគ្រោះថ្នាក់នោះម៉ាក Lexus 470 ពណ៌ទឹកស្ករ ពាក់ស្លាកលេខ ភ្នំពេញ 2A-1771 បើកបរដោយឈ្មោះ សៀក ចាន់ ភេទប្រុស អាយុ៤៥ឆ្នាំ ជាមន្ត្រីគយ ប្រចាំច្រកទ្វារតំបន់គីឡូ១៣ (ហៅភ្នំដី) ស្ថិតក្នុងស្រុកសំពៅលូន ខេត្តបាត់ដំបង បានបើករថយន្តក្នុងស្ថានភាពស្រវឹង ចេញពីផ្សារតាវ៉ាន់ នៅចំណុចខាងលើហើយក៏ជ្រុល ទៅបុករបងកាស៊ីណូមួយកន្លែងបណ្តាលឲ្យបាក់របងប្រវែង ២ម៉ែត្រ ហើយបានថយក្រោយមកវិញ ក្នុងល្បឿនលឿនក៏បានបុករះទៅលើម៉ូតូ៣គ្រឿង និងរថយន្ត២គ្រឿងទៀត។
បន្ទាប់មករថយន្តនោះថយក្រោយយ៉ាងលឿនទៅបានបុករបងកាស៊ីណូពេញទំហឹងបណ្តាលឲ្យធ្លាយបាក់មួយកន្លែងទៀត អស់ប្រវែង២ម៉ែត្រ រថយន្តបានជាប់គាំង ភ្លាមៗនោះប្រជាពលរដ្ឋបានរត់ទៅជូយបើកទ្វាររថយន្ត ទាញមន្ត្រីគយអ្នកបើកបរ រថយន្តចេញមកក្រៅ ហើយមន្ត្រីគយនោះបានគេចខ្លួនបាត់ស្រមោលខណៈមន្ត្រីរូបនោះស្រវឹងដើរសឹងតែមិនរួចផងនោះ ហើយជាពិសេសនៅក្នុងហេតុការណ៍នោះក៏មានមន្ត្រីនគរបាលនៅក្នុងហេតុនោះផង។
ចំណែករថយន្ត និងម៉ូតូដែលបានរងនៅការខូចខាតមាន រថយន្តលុចស៊ីសមួយគ្រឿង រថយន្តម៉ាកតូយូតាកាមារីសេរី៩៣មួយគ្រឿង ពណ៌ស រថយន្តម៉ាកតូយ៉ូតាកាមារី សេរី៩៣ ហើយម៉តូហុងដា១២៥ ពណ៌ខ្មៅ០២គ្រឿង និងហុងដាគុប០១គ្រឿង។ ទាំងរថយន្ត និងម៉ូតូត្រូវបានសមត្ថកិច្ច នគបាលចរាចស្រុកកំរៀង យកមករក្សាទុកនៅអធិការដ្ឋានស្រុករង់ចាំម្ចាស់រថយន្ត ឈ្មោះ សៀក ចាន់ ជាមន្ត្រីគយច្រកទ្វាគីឡូ១៣ ចូលខ្លួនមកធ្វើការដោះស្រាយតាមច្បាប់។
សូមបញ្ជាក់ថាច្បាប់ស្តីពីចរាចរណ៍ផ្លូវគោក មាត្រា៨៥ បានចែងថា៖ ជនណាបើកបរដោយធ្វេសប្រហែស ខ្ជីខ្ជាមិនប្រុងប្រយ័ត្ន ឬមិនគោរពកាតព្វកិច្ចដែលបទប្បញ្ញត្តិស្តីពីចរាចរណ៍ផ្លូវគោក បណ្តាលឲ្យអ្នកដ៏ទៃ ស្លាប់ត្រូវផ្តន្ទាទោសដាក់ពន្ធនាគារពី ១ឆ្នាំទៅ៣ឆ្នាំ និងត្រូវពិន័យជាប្រាក់ពី៤លានរៀល ទៅ១០លានរៀល។ ហើយចំណុច(ឃ) រត់គេចពីកន្លែងកើតហេតុក្នុងគោលបំណងគេចវេសពីការទទួលខុសត្រូវ ត្រូវដាក់ពន្ធនាគារពី២ឆ្នាំ ទៅ៥ឆ្នាំ និងពិន័យជាប្រាក់ពី១០លានរៀល ទៅ២៥លានរៀល។ ក្រៅពីនោះជនណាដែលបើកបរមានសារជាតិអាល់កុលចាប់ 0.៤៥មីលីលិត្រខ្សល់ នឹងត្រូវមានទោសដាក់ពន្ធនាគារពី៦ថ្ងៃទៅ៣ខែ និងពិន័យជាប្រាក់៤លានរៀល ៕
មន្ត្រីគយឈ្មោះ សៀក ចាន់
http://ift.tt/23D0mgX
