បើកគោយន្តដឹកដំឡូងបោះពួយបុកក្មេងជំទង់ពីរនាក់កំពុងជិះម៉ូតុចំពីក្រោយម្នាក់របួសធ្ងន់ និងម្នាក់ទៀតបែកក្បាលធ្លាយខួរស្លាប់យ៉ាងរន្ធត់
ខេត្តមណ្ឌលគិរី៖ ក្មេងជំទង់ពីរនាក់កំពុងបើកម៉ូតូឌុបគ្នាលើផ្លូជាតិ ត្រូវគោយន្តកែឆ្នាំដឹកដំឡូងបុកពីក្រោកយចំពេញទំហឹង បណ្តាលឲ្យម៉ូតូ និងមនុស្សខ្ទាតដូលបោកលើផ្លូវម្នាក់រងរបួសធ្ងន់ និម្នាក់ទៀតបែកលលាដ៍ធ្លាយចេញខួរម្នាក់។ ហេតុការណ៍នេះបានកើតឡើងកាលពីវេលាម៉ោង៩ និង២៥នាទីព្រឹកថ្ងៃទី៣១ ខែមករា ឆ្នាំ២០១៦ នៅចំណុចភូមិពូទិល ឃុំប៊ូស្រា ស្រុកពេជ្រាដា ខេត្តមណ្ឌលគិរី។
លោក ព្រំ សាវេន មេបញ្ជាការកងរាជអាវុធហត្ថស្រុកពេជ្រាដាបាននិយាយថា កេ្មងរងគ្រោះឈ្មោះ ថា វិន លីហេន ភេទប្រុសអាយុ ១៤ឆ្នាំជាជនជាតិ (ព្នង) ភូមិពូទិល ឃុំប៊ូស្រា ស្រុកពេជ្រាដា ខេត្តមណ្ឌលគិរី ជាអ្នកបើកបរម៉ូតូបានស្លាប់នៅនឹងកន្លែង( ធ្លាយខួរ) និងម្នាក់ទៀតរបួសធ្ងន់ (មិនស្គាល់អត្តសញ្ញាណ)។ ពួកគេកំពុងជិះម៉ូតូឌុបគ្នាត្រូវគោយន្តកែឆ្នៃស្របតិសគ្នាបុកពីក្រោយពេញទំហឹង។
ចំណែកអ្នកបើកគោយន្តឆ្នៃមានឈ្មោះ សេង វណ្ណា អាយុ២៧ឆ្នាំ ភេទប្រុស ស្នាក់នៅភូមិប៊ូស្រា ឃុំប៊ូស្រា ស្រុកពេជ្រាដា ខេត្តមណ្ឌលគិរី ជាកម្មករបើកបរដឹកដំឡូងឲ្យយគេ។ បន្ទាប់ពីបង្កហេតុតៃកុងគោយន្តឆ្នៃមានឈ្មោះ សេង វណ្ណា បានបើករត់គេចពីកន្លែងកើតហេតុចម្ងាយប្រមាណ៣០០ម៉ែត្រចុះអូរលាងឈាមប្រឡាក់គោយន្តដើម្បីបំភាន់ដាន តែត្រូវសមត្ថកិច្ចតាមចាប់ និងបញ្ជូនខ្លួនទៅអធិការរដ្ឋនគរបាលស្រុកពេជ្រាដាដើម្បីកសាងសំណុំរឿងបញ្ជូនទៅកាន់តុលាការ៕ សែមនោរម្យ
http://ift.tt/1P0qBGc
