រថយន្តដឹកដីបើកបុកម៉ូតូពីក្រោយហើយកិនស្ត្រីម្នាក់ចំក្បាលធ្លាយខួរស្លាប់មួយរំពេច
ភ្នំពេញ៖ មនុស្សប្រុសស្រីពីរនាក់កំពុងជិះម៉ូតូឌុបគ្នានៅលើដងផ្លូវកៅស៊ូស្រាប់តែរថយន្តបែនដឹកដីក្នុងដំណើរស្របទិសគ្នាបោះពួយបុកម៉ូតូពីក្រោយ បណ្តាលឲ្យធ្លាក់ស្ត្រីម្នាក់ពីលើម៉ូតូហើយកិនចំក្បាលធ្លាយខួរស្លាប់ភ្លាមៗនៅនឹងកន្លែងកើតហេតុ។ ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង៣ និង១០នាទីរសៀលថ្ងៃទី១២ ខែកុម្ភៈ ឆ្នាំ២០១៦នេះ នៅតាមបណ្តោយផ្លូវលេខ១៩៦២ ភូមិជាងទង សង្កាត់ក្រាំងធ្នូង ខណ្ឌសែនសុខ រាជធានីភ្នំពេញ ។
សាក្សីនៅកន្លែងកើតហេតុបានអះអាងថា មុនពេលកើតហេតុគេឃើញមានម៉ូតូម៉ាកហុងដាឌ្រីម សេ១២៥ ស៊េរីឆ្នាំ២០១៣ ពាក់ស្លាកលេខកំពង់ឆ្នាំង1C-8252 មួយគ្រឿងបើកបរដោយបុរសម្នាក់ឌុបស្ត្រីម្នាក់ ខណៈមកដល់ចំណុចកើតហេតុ ក្នុងទិសដៅពីលិចទៅកើត ស្រាប់តែមានរថយន្តដឹកដីមួយគ្រឿង ពាក់ស្លាកលេខកំពង់ចាម 3A-0200 បើកក្នុងទិសដៅស្របគ្នាក្នុងល្បឿនលឿនបានជ្រុលមកបុកម៉ូតូពីក្រោយចំពេញទំហឹង បណ្តាលឲ្យស្ត្រីជិះខាងក្រោយធ្លាក់ពីលើម៉ូតូ ហើយរថយន្តបានកិនចំក្បាល ស្ត្រីនោះបែកខួរស្លាប់មួយរំពេចយ៉ាងអាណោចអាធ័មបំផុតនៅកន្លែងកើតហេតុ ចំណែកអ្នកបើកម៉ូតូរងរបួសស្រាល។
បន្ទាប់ពីកើតហេតុ សមត្ថកិច្ចបានចុះអន្តរាគមន៍ដោយបានឃាត់ខ្លួនអ្នកបើកបររថយន្តបង្ក ហើយបានវាស់វែង និងនាំយករថយន្ត និងម៉ូតូទៅរក្សាទុកនៅអធិការនគរបាលខណ្ឌសែនសុខ និងនាំខ្លួនអ្នកបើកបររថយន្តបង្ក ដើម្បីរៀបចំកសាងសំណុំរៀងបញ្ជូនទៅតុលាការ។ ចមណែកសាកសពសមត្ថកិច្ចបានបានប្រគល់ជូនក្រុមគ្រួសារយកទៅធ្វើបុណ្យ៕
http://ift.tt/1TWQ7jg
