បើកគោយន្តកន្ត្រៃចុះចំណោតភ្នំក្រឡាប់ស្លាប់១របួសធ្ងន់ស្រាល៧នាក់
ខេត្តឧត្តរមានជ័យ៖ គោយន្តកន្ត្រៃខណៈកំពុងបើកចុះពីលើភ្នំច្រកជប់គរគី បានក្រឡាប់បណ្តាលឲ្យស្ត្រីម្នាក់ បានស្លាប់ និងមនុស្សប្រុសស្រី ៦នាក់ផ្សេងទៀត បានរងរបួសធ្ងន់ស្រាល។ ហេតុការណ៍ក្រឡាប់គោយន្តនេះបានកើតឡើងកាលពីវេលាម៉ោងប្រមាណ ១ និង១៥នាទីរសៀលថ្ងៃទី១៩ ខែកុម្ភៈ ឆ្នាំ២០១៦នេះ នៅលើភ្នំច្រកជប់គរគី ស្ថិតក្នុងភូមិជប់គរគីកើត ឃុំអំពិល ស្រុកបន្ទាយអំពិល ខេត្តឧត្តរមានជ័យ ។
លោក ហម ភិរម្យ អធិការនគរបាលស្រុកបន្ទាយអំពិលបាននិយាយឲ្យដឹងថា រងគ្រោះបានជិះគោយន្តកន្ត្រៃរួមគ្នា ធ្វើដំណើរឡើងភ្នំទៅច្រកជប់គរគី ចូលក្នុងផ្សារថៃទិញទំនិញយកមកប្រើប្រាស់។ លុះទិញរួច ក៏បាននាំគ្នាធ្វើដំណើរត្រឡប់មកវិញ លុះមកដល់កន្លែងកើតហេតុត្រង់ចំណុចផ្លូវកោង ខ្ទមអ្នកតាចុះពីលើភ្នំដោយសារល្បឿនគោយន្តលឿនចាប់ហ្វ្រាំង ក៏បានបោកគោយន្តធ្លាក់ប្រឡាយក្រឡាប់ធ្វើឲ្យអ្នកជិះគោយន្តធ្លាក់ខ្ទាតចេញច្រងាប់ច្រងិលរងរបួសគ្រប់គ្នា។ ក្រោយកើត ហេតុកម្លាំងសមត្ថកិច្ចបានទៅ ជួយជនរងគ្រោះ។ ជនរងគ្រោះម្នាក់ បានស្លាប់នៅកន្លែងកើតហេតុ និង ៧នាក់ទៀត របួសធ្ងន់ស្រាល។
ប្រភពបានបន្តឲ្យដឹងទៀតថា ជនរងគ្រោះទាំង ៨នាក់រួមមាន៖ ១. ឈ្មោះ យៃ លឿ ភេទស្រី អាយុ ៥៥ឆ្នាំ (ស្លាប់នៅ កន្លែង កើតហេតុ), ទី២. ឈ្មោះ យាយ យោន ភេទស្រី អាយុ៥២ឆ្នាំ, ទី៣. ឈ្មោះ ធំ លាស់ ភេទស្រី អាយុ៣៤ឆ្នាំ, ទី៤. ឈ្មោះ ធំ អិលភេទស្រី អាយុ២៧ឆ្នាំ, ទី៥. ឈ្មោះ ម៉ា មូត ភេទប្រុស អាយុ២៧ឆ្នាំ, ទី៦. ឈ្មោះ កង វាដនា ប្រុស អាយុ ២ឆ្នាំ, ទី៧. ឈ្មោះ ម៉ូតមាន ភេទប្រុស អាយុ២ឆ្នាំ។ ជនរងគ្រោះទាំងអស់រស់នៅភូមិក្រសាំង សង្កាត់បុសស្បូវ ក្រុងសំរោង៕
http://ift.tt/1SWtyfA
