បុរសវ័យក្មេងជិះម៉ូតូដឹកមាន់បើកប៉ះជាមួយរថយន្តដឹកដីដួលខ្ទាត់ចូលរថយន្តកុងតឺន័របើកបញ្ច្រាសទិសគ្នាកិនចំ ខ្ទេចក្បាល់ស្លាប់យ៉ាងរន្ធត់
ខេត្តកណ្តាល៖ បុរសម្នាក់ជិះម៉ូតូឌុបមាន់ បើកប៉ះជាមួយរថយន្តដឹកដីដួលខ្ទាត់ចូលទៅកណ្តាលថ្នល់ ត្រូវរថយន្តកុងតឺន័របើកបញ្ច្រាសទិសគ្នាកិនចំក្បាល់ខ្ទេចស្លាប់យ៉ាងរន្ធត់កាលពីវេលាម៉ោង១២ និង៣០នាទីថ្ងៃទី២៧ ខែកក្កដា ឆ្នាំ២០១៦នៅលើផ្លូវជាតិលេខ១ ក្នុងចន្លោះគីឡូម៉ែត្រលេខ២១-២២ ចំណុចភូមិចិនកោះ ឃុំគគីរ ស្រុកកៀនស្វាយ ខេត្តកណ្តាល។
សមត្ថកិច្ចស្រុកកៀនស្វាយបានឲ្យដឹងថា ជនរងគ្រោះមានឈ្មោះឆេង ដា ភេទប្រុស អាយុ២២ឆ្នាំ មានទីលំនៅភូមិជ្រួល ឃុំកន្សោមអក ស្រុកកំពុងត្របែក ខេត្តព្រៃវែង។ បានបើកម៉ូតូ HONDA DREAM 125ពណ៌ខ្មៅ ប្រភេទស្រី ពាក់ផ្លាក លេខភ្នំពេញ1FM-5510 ទិសដៅពីអ្នកលឿងទៅភ្នំពេញ។ លុះបើកមកដល់ចំណុចកើតហេតុខាងលើបាន ដួលមិនដឹងមូលហេតុហើយខ្ទាតអ្នកបើកម៉ូតូទៅខាងឆ្វេងស្របពេលរថយន្តកុងតឺន័រ ធុនធំដែលមានទិសដៅផ្ទុយគ្នា កិនចំក្បាលបណ្តាលឲ្យស្លាប់ អ្នកបើក ម៉ូតូនៅកន្លែងកើតហេតុ។
តាមប្រភពពីសាក្សីនៅកន្លែងកើតហេតុការណ៍បាននិយាយថា ជនរងគ្រោះជិះម៉ូតូ ដឹកមាន់មួយទ្រុងពីតំបន់អ្នកលឿង មកដាក់ឲ្យម៉ូយនៅផ្សារគគីរ ស្រុកកៀនស្វាយ លុះពេលមកដល់កន្លែងកើតហេតុក៏មានការដ្ឋានសាងសង់ស្ថានីយ៍ប្រេងនៅក្បែរចិញ្ចើមផ្លូវ ដែលការដ្ឋាននេះមានរថយន្តដឹកដីជាច្រើនគ្រឿងបានឈប់ចតនៅចិញ្ចើមផ្លូវបន្តកន្ទុយគ្នា ជាហេតុឲ្យធ្វើអោយជនរងគ្រោះជិះប៉ះគ្នាជាមួយរថយន្តដឹកដីហើយដួលខ្ទាតចូលមកកណ្តាលផ្លូវ ក៏ត្រូវរថយន្តកុងតឺន័រមិនស្គាល់អត្តសញ្ញាណបើកបរក្នុងទិសដៅផ្ទុយគ្នា បើកមកដល់កិនខ្ទេចក្បាលស្លាប់តែម្តង ។
ក្រោយកើតហេតុតៃកុងរថយន្តកុងតឺន័របានជាន់បន្ថែមល្បឿនបើកគេចបាត់ស្រមោល។ ចំណែករថយន្តដឹកដីជាច្រើនគ្រឿងដែលបង្កភាពអាណាធិបតេយ្យនៅចិញ្ចើមផ្លូវជាតិរួម និងគ្រឿងចក្រ១គ្រឿងផងនោះនាំគ្នាបើកគេចចេញពីការដ្ឋានបាត់អស់បន្សល់តែសព្វជនរងគ្រោះ។ ដោយឡែកសាកសពជនរងគ្រោះត្រូវក្រុមគ្រួសារមកទទួលយកទៅធ្វើបុណ្យនៅស្រុកកំណើតដេកស្លាប់យ៉ាងអាណោចអាធ័ម។ ម៉ូតូបានយកមក រក្សាទុកនៅអធិការដ្ឋាននគរបាលស្រុក សពជនរងគ្រោះបានប្រគល់ជូនក្រុមគ្រួសារយកទៅ ធ្វើបុណ្យតាម ប្រពៃណី៕
http://ift.tt/2ayr8Vs
