បុគ្គលិកកាស៊ីណូម្នាក់ស្លាប់បានស្លាប់នៅឆ្នេរអូឈើទាល ខណៈពេលឈប់សំរាកទៅងូតទឹកកំសាន្ត
ខេត្តព្រះសីហនុ៖ ជនជាតិចិនជាបុគ្គលិកកាស៊ីណូម្នាក់ ត្រូវបានបាត់បង់ជិវិត ខណៈពេលបញ្ជូនមកសង្គ្រោះនៅមន្ទីពេទ្យបង្អែកចំការ បន្ទាប់ពីបានលង់ទឹកនៅចំនុចឆ្នេរអូឈើទាល មុខតូប២២២ស្ថិតក្នុងក្រុមទី១៧ភូមិ០៤សង្កាត់លេខ៤ ក្រុងព្រះសីហនុ។ ហេតុការណ៏នេះ បានកើតឡើងនៅវេលាម៉ោង ១៧ និង ៣៥ នាទី ថ្ងៃទី០២ ខែសីហា ឆ្នាំ២០១៧ ។
ជុំវិញករណីលង់ទឹកនេះ យោងតាមប្រភពសមត្ថកិច្ចប្រចាំការតាមបណ្តោយឆ្នេរអូឈើទាល បានអោយដឹងថា នៅវេលាម៉ោង ១៧ និង៣៥នាទី មានករណីជនជាតិចិនលង់ទឹកស្លាប់នៅចំណុចឆ្នេអូឈើទាល (មុខហាង222) ស្ថិតក្រុម1៧ ភូមិ4 សង្កាត់4 ក្រុង+ខេត្តព្រះសីហនុ។ ជនរងគ្រោះឈ្មោះ CHEN QUi HE អាយុ ៣៣ឆ្នាំ ភេទប្រុស កាន់លិខិតឆ្លងដែនលេខ E96006218 សុពលភាព16/02/2017 លេខទិដ្ឋាការEi01140871 សុពលភាព15/04/2018។ មុខរបបុគ្គិលិកកាសីណូអនឡាញប៉ាវទូ ស្ថិតនៅភូមិ3សង្កាត់2ក្រុង+ខេត្តព្រះសីហនុ។ បច្ចុប្បន្នស្នាក់នៅមុខមន្ទីរកសិកម្ម ស្ថិតក្រុម32 ភូមិ5 សង្កាត់4 ក្រុង+ខេត្តព្រះសីហនុ។
ដោយឡែកយោងតាមប្រភពពីសាក្សីបានអោយដឹងថា នៅមុនកើតហេតុគេឃើញ ជនជាតិចិនមួយក្រុមមានគ្នាជាង១០នាក់ បានមកអង្គុយហូបអីនៅលើឆ្នេរខ្សាច់មុខតូប២២២ ស្ថិតតាមបណ្តោយឆ្នេរអូឈើទាល ដោយមានអ្នកខ្លះអង្គុយមានអ្នកខ្លះចុះងូតទឹក រហូតដល់ម៉ោងកើតហេតុ វេលាម៉ោង១៧និង៣៥នាទី ក៏ស្រាប់តែមានការភ្ញាក់ផ្អើល ដោយក្រុមមិត្តភក្តិជនរងគ្រោះបានស្រែកអោយជួយមិត្តភក្តិរបស់ខ្លួនដែលបានលង់ទឹកនៅចម្ងាយប្រមាណ៤០ម៉ែត្រពីឆ្នេរ ប៉ុន្តែពុំមានឧបករណ៏អ្វីជួយទាន់ពេលវេលានោះទេ ដោយខណៈពេលនោះ ក្រុមល្បាត និងក្រុមម៉ូតូទឹក បានសំរាកអស់ទៅហើយ មានតែអ្នកឃើញហេតុការណ៍ និងភ្ញៀវទេសចរក្បែរនោះ បានហែលទៅជួយស្រង់មកដល់ដីគោកបាន រួចបញ្ជូនមកកាន់មន្ទីពេទ្យ ។ ប៉ុន្តែ ជាអកុសល ជនរងគ្រោះបានដាច់ខ្សល់ស្លាប់នៅតាមផ្លូវ បើទោះបីជាមិត្តភក្តិ និងក្រុមគ្រួពេទ្យខិតខំជួយសង្គ្រោះគ្រប់វិធីសាស្ត្រយ៉ាងណាក្តី។
បច្ចុប្បន្ន សាកពជនរងគ្រោះត្រូវបានរក្សាទុកនៅមន្ទីរពេទ្យបង្អែកចំការចេកខេត្តរងចាំសម្រេចពីស្ថានទូត ៕ ទន់ សុខ
http://ift.tt/2ulYcED
