មន្ត្រីអង្គការ ការពាព្រៃឈើសត្វព្រៃ និងបរិស្ថាន ម្នាក់ដឹកឈើក្រញូងល្មើសច្បាប់ និងថ្លើមធំហ៊ានលោតឆ័ត្រទាំងកណ្តាលថ្ងៃ ត្រូវសមត្ថកិច្ចចម្រុះស្ទាក់ចាប់បាន តែម្ចាស់ឈើបានលោតចោលឡានរត់យ៉ាងរំភើយ
ខេត្តក្រចេះ ៖ រថយន្តដឹកឈើគ្រញូងល្មើសច្បាប់ លោតឆ័ត្រ របស់មន្ត្រីអង្គការ ការពារព្រៃឈើសត្វព្រៃ និងបរិស្ថាន ប្រចាំខេត្ត ព្រះវិហារ ម្នាក់ត្រូវសមត្ថកិច្ចចម្រុះ នគរបាលប្រឆាំងបទល្មើសក្រសួងមហាផ្ទៃ និងកម្លាំងកងរាជអាវុធហត្ថខេត្តក្រចេះធ្វើការបង្ក្រាបបាន កាលពីវេលាម៉ោង២ និង៣០រសៀលថ្ងៃទី៣០ ខែមេសា ឆ្នាំ២០១៥ នៅចំណុចភូមិវត្ត សង្កាត់ក្រចេះ ក្រុងក្រចេះ ។
ប្រភពពីសមត្ថកិច្ចបានបញ្ជាក់អោយដឹងថា រថយន្តដឹកឈើគ្រញូងខាង លើជាកម្មសិទ្ធិរបស់បុគ្គលិក អង្គការការពារព្រៃឈើសត្វព្រៃម្នាក់ ឈ្មោះ ខេន វ៉ៃ រស់នៅភូមិគីឡូ១២ ឃុំកោះសាពាយ ស្រុកសៀមបូក ខេត្តស្ទឹងត្រែង មានតួរនាទីជាអនុប្រធានទី១ ក្នុងការបង្ក្រាបទប់ស្កាត់ និងការពារព្រៃឈើ សត្វព្រៃប្រចាំខេត្តព្រះវិហារ បានប្រើប្រាស់ នូវរថយន្តម៉ាក កាមរីស្វិត ពណ៌ក្រហម ពាក់ស្លាកលេខ ង៩៩៩៥ ភ្នំពេញ២ ដឹកឈើគ្រញូងចេញពីខេត្តស្ទឹងត្រែង ឆ្លងកាត់ខេត្តក្រចេះ ត្រូវសមត្ថកិច្ចចម្រុះតាមប្រមាញ់ បាននៅចំណុចខាងលើ ។
ប្រភពបន្តរថា បន្ទាប់ទទួលបានព័ត៌មានច្បាស់ការមួយថា អត្តសញ្ញាណរថយន្តរបស់មន្ត្រីអង្គការខាងលើ បានធ្វើសកម្មភាពដឹកឈើគ្រញូងខុសច្បាប់នោះ សមត្ថកិច្ចបានដាក់កម្លាំង តាមប្រមាញ់ចាប់ពីចំណុចឃុំអូរគ្រៀង ទៅដល់ស្រុកឆ្លូង ។ ហើយខណៈក្រុមសមត្ថកិច្ចតាមប្រមាញ់ពីក្រោយ រថយន្តដឹកឈើរបស់អង្គការ ខាងលើនោះបានបើកកៀរថយន្តសមត្ថកិច្ច ចំនួនពីរគ្រឿង ដើម្បីព្យាយាមបន្តបើករត់គេច បញ្ជ្រាសទិសត្រឡាប់ចូលមកទីរួមខេត្តវិញ ក៍ត្រូវសមត្ថកិច្ចឃាត់បាន រួមនឹងមនុស្សស្រីម្នាក់ ចំណែកមន្ត្រីខាងលើ និងបក្សបួកគេម្នាក់ ទៀតគេចខ្លួនបាត់ ។
ឈើគ្រញូងជាង១០០ដុំ ស្មើនឹង១៨៩គីឡូរក្រាម រួមនឹងរថយន្ត ត្រូវបានសមត្ថកិច្ចបញ្ជូនទៅរក្សាទុកនៅ សាលាដំបូងខេត្ត បន្ទាប់ពីចាប់ឃាត់បាន ហើយមន្ត្រីជំនាញនៃផ្នែករដ្ឋបាលព្រៃឈើក្រចេះ បានកសាងសំណុំរឿងចាត់ការទៅតាមនិតិវិច្បាប់ ខណៈដែលជនល្មើស និងបក្ខពួកកំពុងតែរត់គេចខ្លួន ជាមួយគ្នានេះ ពលរដ្ឋបានសំណូមពរឲ្យសមត្ថកិច្ចចាត់ការករណីនេះឲ្យបានម៉ឺងម៉ាត់ ព្រោះនេះជាអំពើថោកទាបបំផុតដែលមិនត្រូវអត់ឱនឲ្យទេ ព្រោះក្នុងនាមជាមន្ត្រី នៃអង្គការ ការពារព្រៃឈើសត្វព្រៃ និងបរិស្ថាន បែរជាប្រព្រឹត្តល្មើសច្បាប់ខ្លួនឯងទៅវិញ៕ ដោយ ឦសាន១
http://ift.tt/1HWUuEA
