បុគ្គលិកហាងបារាំង (យីហោ វ៉ៃគីគី) ចាប់រំលោភស្ត្រីជនជាតិអូស្ត្រាលីបានសម្រេចម្នាក់ម្តងត្រូវឃាត់ខ្លួន
ខេត្តព្រះសីហនុ៖ យុវជន ពីរនាក់ ត្រូវបានកម្លាំងនគរបាលការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តព្រះសីហនុ ឃាត់ខ្លួនកាលពីវេលាម៉ោង១៤ និង៣០នាទី រសៀលថ្ងៃទី២៩ ខែមេសា ឆ្នាំ២០១៥ បន្ទាប់ពីទទួលបានបណ្តឹងពីស្ត្រីជនជាតិអូស្ត្រាលីជាជនរងគ្រោះ ចោទថា ពួកគេចាប់រំលោភសេពសន្ថវៈបានសម្រេចម្តងម្នាក់ នៅចំណុចក្រុមទី១៧ ភូមិ៤ សង្កាត់លេខ៤ ក្រុងព្រះសីហនុ នៅវេលាម៉ោង០៤ទៀបភ្លឺ កាលពីថ្ងៃទី២៧ ខែមេសា ឆ្នាំ២០១៥ ។
ស្នងការរងទទួលបន្ទុកព្រហ្មទណ្ឌ នៃស្នការដ្ឋាននគរបាលខេត្តព្រះសីហនុ លោកវរៈសេនីយ៍ឯក កុល ផាលី បានអោយដឹងថា នៅថ្ងៃទី២៩ ខែមេសា ឆ្នាំ២០១៥វេលាម៉ោង១៤ និង៣០នាទី ការិយាល័យជំនាញព្រហ្មទណ្ឌកម្រិតតធ្ងន់ នៃស្នងការដ្ឋាននគរបាលខេត្តព្រះសីហនុ បានទទួលបណ្តឹងពីជនរងគ្រោះឈ្មោះ ប៉ុប នីកូឡាជៀន POPE NIKOLA JEAN ភេទស្រី អាយុ២២ឆ្នាំ (១៩៩៣) ជនជាតិអូស្ត្រាលី ជាអ្នកទេសចទេសចរណ៍ កាន់លិខិតឆ្លងដែនលេខ N.7382814 បានចូលមកស្នាក់នៅក្នុងបឹងកាឡូ រីផាតលិច ក្នុងក្រុមទី១៤ភូមិ៤ សង្កាត់លេខ៤ ក្រុងព្រះសីហនុ កាលពីថ្ងៃ២៥ ខែមេសា ឆ្នាំ២០១៥ ដោយបានចោទប្រកាន់យុវជនខ្មែរ ពីរនាក់ ចាប់រំលោភសេពសន្តវៈបានសម្រេច នៅចំណុចក្រុមទី១៧ ភូមិ៤ សង្កាត់លេខ៤ ក្រុងព្រះសីហនុ នៅវេលាម៉ោង០៤ទៀបភ្លឺ កាលពីថ្ងៃទី២៧ ខែមេសា ឆ្នាំ២០១៥ ។
លោកវរសេនីយ៍ឯក កុល ផាលី បានឲ្យដឹងទៀតថា ជនសង្ស័យទាំង០២នាក់មានឈ្មោះ សារិទ្ធ សិទ្ធី ភេទប្រុស អាយុ២២ឆ្នាំ មុខរបរបុគ្គលិកហាងបារាំង (យីហោ វ៉ៃគីគី) ស្នាក់នៅក្នុងហាងក្រុមទីក្រុមទី១៧ភូមិ៤ សង្កាត់លេខ៤ ក្រុងព្រះសីហនុ។ ទី២ឈ្មោះ គួយ ពៅ ភេទ ប្រុស អាយុ១៦ឆ្នាំ មុខរបរបុគ្គលិកហាងបារាំង (យីហោ វ៉ៃគីគី) ស្នាក់នៅក្នុងហាងក្រុមទីក្រុមទី១៧ភូមិ៤ សង្កាត់លេខ៤ ក្រុងព្រះសីហនុ។
បច្ចុប្បន្នជនសង្ស័យវ័យក្មេងទាំង០២នាក់ សមត្ថកិច្ចបានកសាងសំណុំរឿងបញ្ជូនខ្លួនទៅកាន់សាលាដំបូងខេត្តចាត់ការទៅតាមនិតិវិធីច្បាប់។ សូមបញ្ជាក់ផងដែរថា នេះជាករណីទីមួយហើយដែលជនជាតិខ្មែរវ័យក្មេងៗចាប់រំលោភសេពសន្ថវៈទៅលើស្ត្រីជនបរទេស នៅក្នុងខេត្តព្រះសីហនុ ហើយត្រូវចាប់ខ្លួនផ្តន្ទាទោស៕ ដោយ សមុទ្រខៀវ
http://ift.tt/1DYGFzE
