អេស្កាវ៉ាត់ទ័រឈួសព្រំដីទំនាស់មួយគ្រឿង ត្រូវបានសមត្ថកិច្ចឃាត់ទុក ក្នុងរឿងទំនាស់ដីស្រែរបស់លោកមេភូមិ២នាក់នៅស្រុកកំពង់ត្រឡាចដណ្តើមគ្នាយកឈ្នះ
ខេត្តកំពង់ឆ្នាំង៖ ដីស្រែនៅជាប់ផ្លូវជាតិលេខ៥មួយកន្លែង ដែលកំពុងមានតម្លៃ និងមានទំនាស់យូរឆ្នាំ ដោះស្រាយមិនដាច់ស្រេច នៅរសៀលថ្ងៃទី០៨ ខែឧសភា ឆ្នាំ២០១៥ លោក នុត សាមឿន អតីតមេភូមិទឹកល្អក់ ឃុំសែបបានប្តឹងផ្ទាល់មាត់តាមទូរស័ព្ទទៅលោកព្រះរាជអាជ្ញា សាលាដំបូងខេត្ត ថាលោក ថៃ ហ៊ី មេភូមិតាជេស ឃុំតាជេស បានយកអេស្កាវ៉ាត់ទ័រមួយគ្រឿងមកឈូសលើកព្រំ រំលោភយកដីស្រែរបស់គាត់ក្នុងភូមិ ទឹកល្អក់ ឃុំសែប ស្រុកកំពង់ត្រឡាច នៅព្រឹកថ្ងៃទី០៨ ខែឧសភា ឆ្នាំ២០១៥។ ករណីនេះលោកមេភូមិទាំង២ ដណ្តើមគ្នាយកឈ្នះរៀងៗខ្លួនត្រូវបាន លោក យូទិត្យវឌ្ឍនៈ ព្រះរាជអាជ្ញាសាលាដំបូងខេត្ត បានបញ្ជារអោយ លោកអធិការនគរបាលស្រុកកំពង់ត្រឡាច ឃាត់ទុកអេស្កាវ៉ាត់ទ័រ មួយគ្រឿងនោះនៅប៉ុស្តិនគរបាលរដ្ឋបាល សែប នៅម៉ោង២រសៀលថ្ងៃទី០៨ ខែឧសភា ឆ្នាំ២០១៥ ដើម្បីអោយភាគីទំនាស់ទាំង២ បង្ហាញឯកសារ ដីធ្លី ដោះស្រាយគ្នាតាមផ្លូវច្បាប់នៅសាលាដំបូងខេត្ត។
លោក នុត សាមឿន អាយុ៥៦ឆ្នាំ រស់នៅភូមិទឹកល្អក់ អតីតមេភូមិទឹកល្អក់ ឃុំសែប ស្រុកកំពង់ត្រឡាច ជាអ្នកប្តឹងក្នុងរឿងខាងលើនេះបាននិយាយអោយដឹងនៅលើដីទំនាស់ចំណុចខាងលើនេះថា៖ គាត់បានកាន់កាប់ដីស្រែនៅចំណុចខាងលើនេះទំហំ៦.២៦៦ម៉ែត្រការ៉េ តាំងពីឆ្នាំ១០៧៩មក ដោយមានលិខិតកាន់កាប់ដីធ្លី ទទួល ស្គាល់ដោយអាជ្ញាធរភូមិ ឃុំ នៅឆ្នាំ២០០៧ និងបានអាស្រ័យផលធ្វើស្រែជារៀងរាល់ឆ្នាំ។នៅព្រឹកថ្ងៃទី០៨ ខែឧសភា ឆ្នាំ២០១៥ អ្នកភូមិបានប្រាប់គាត់ថាមានអេស្កាវ៉ាត់ទ័រមួយគ្រឿងរបស់កូន លោក ថៃ ហ៊ី បានមករុះ របងស្រែគាត់ចោល ឈូសឆាយដីស្រែលើកក្រវ៉ាត់ព្រុំរំលោភយកដីស្រែរបស់គាត់ ទើបនៅរសៀលថ្ងៃទី០៨ ខែឧសភា នេះគាត់បានប្តឹងទៅលោកព្រះរាជអាជ្ញាសាលាដំបូងខេត្តជួយអន្តរាគម។
ដោយឡែក លោក ឡាច ឌុំ អាយុ៦២ឆ្នាំ រស់នៅក្នុងភូមិទឹកល្អក់ ក៏បានអោយដឹងដែរថា៖ គាត់មានដីស្រែ ទំហំ ៨.៤៧៥ម៉ែត្រការ៉េ ជាប់ដីស្រែ លោក នុត សាមឿន ក៏ត្រូវបាន លោក ថៃ ហ៊ី ឈូសលើកព្រុំប៉ះពាល់រំលោភយកដីស្រែគាត់ដែរ ដែលដីស្រែនេះគាត់បានកាន់កាប់ធ្វើស្រែអាស្រ័យផលតាំងពីឆ្នាំ១៧៧៩រហូតមកនិងមានលិខិតស្នើសុំកាន់កាប់ដីធ្លីទទួលស្គាល់ដោយភូមិឃុំនៅឆ្នាំ២០០៧ត្រឹមត្រូវ។
ពាក់ពន្ធ័ក្នុងរឿងទំនាស់ដីស្រែនៅចំណុចខាងលើនេះ នៅរសៀលថ្ងៃទី០៨ ខែឧសភា ឆ្នាំ២០១៥ នៅក្នុងប៉ុស្តិ៍ នគរបាល រដ្ឋបាលសែប លោក ថៃ ហ៊ី បាននិយាយអោយអ្នកតកព័ត៌មានយើងដឹងថា៖ នៅព្រឹកថ្ងៃទី០៨ខែ ឧសភា ឆ្នាំ២០១៥ លោកបានជួលគ្រឿងចក្ររបស់កូនក្នុងមួយថ្ងៃថ្លៃ៣០០ដុល្លា អោយឈូសដីលើកជាព្រុំក្រវ៉ា ត់ដីស្រែរបស់គាត់ទំហំ២០អារ ដែលមានទទឹង២០ម និងបណ្តោយ១០០ម ដែលដីស្រែនេះ លោក បានទិញពី ក្រុមហ៊ុននៅឆ្នាំ២០០៧ ដោយមានឯកសារត្រឹមត្រូវ និងមានទាំងលោក នុត សាមឿម ជាមេភូមិជំនាន់នោះ បាន ចុះហត្ថលេខាទទួលស្គាល់ការលក់ដីនេះអោយក្រុមហ៊ុនផងដែរ។ ក្រោយមកលោកបានចាក់ដីបំពេញ លើដីស្រែនេះចំនួន៤៣ឡាន បានធ្វើរបងបង្គោលផ្ចឹកពទ្ធ័ដីនេះ និងបានធ្វើស្រែលើដីនេះរយៈ ពេល៥ឆ្នាំជាប់ៗ គ្នា បន្តបន្ទាប់មកដល់ពេលនេះលោក នុត សាមឿនមិនដែលចោទប្រកាន់ថាដីស្រែនេះថា ជារបស់គេដូច្នេះ ឡើយ។
លោក ថៃ ហ៊ី បានអោយដឹងទៀតថា៖នៅក្នុងរដូវវស្សាឆ្នាំ២០១៤ ពេលលោកធ្វើស្រែពង្រោះលើដីស្រែនេះ របស់ខ្លួន កាលណោះលោក ឡាច ឌុំ ជាបង លោក នុត សាមឿន បានមករុះរបងដីស្រែគាត់ចោល និងបានភ្ជួរ ស្រូវពង្រោះគាត់ចោល បន្ទាប់មកពេលលោកប្តឹងនគរបាលប៉ុសិសែប ពេលនោះលោក ឡាច ឌុំ បានទទួល ស្គាល់កំហុស និងបានសងថ្លៃការខូតខាតស្រូវពង្រោះជូនលោកចំនួន១០ម៉ឺនរៀល ដោយមានឯសារជា ភ័ស្តុតាងនៅនគរបាលប៉ុស្តិសែបស្រាប់។ ករណីទំនាស់ដីស្រែខាងលើនេះ លោក នុត សាមឿន និងលោក ថៃ ហ៊ី ថានឹងយកឯកសារពាក់ព័ន្ធដីស្រែនេះរៀងៗខ្លួន ទៅបង្ហាញលោកព្រះរាជអាជ្ញាខេត្តនៅថ្ងៃចន្ទ័ទី១១ ខែឧសភា ឆ្នាំ២០១៥ខាងមុខនេះ ថាតើអ្នកណារំលោភដីស្រែអ្នកណានោះនឹងដឹងច្បាស់ហើយ៕ ដោយ រិទ្ធិ ជ័យ 
http://ift.tt/1J2pfce
