កម្លាំងនគរបាលស្រុកមង្គលបូរីសហការជាមួយកម្លាំងប៉ុស្តិ៍ឫស្សីក្រោក បើកប្រតិបត្តិការបង្ក្រាបបានមុខសញ្ញាជួញដូរថ្នាំញៀនម្នាក់ វត្ថុតាងថ្នាំញៀន មេតំហ្វេតាមីន ចំនួន១ថង់(តូច) និងអាអិនចុចពិល១គ្រឿង!
ខេត្តបន្ទាយមានជ័យ៖ កម្លាំងនគរបាលស្រុកមង្គលបូរីសហការជាមួយកម្លាំងប៉ុស្តិ៍ឫស្សីក្រោក បានធ្វើការពួនស្ទាក់បង្ក្រាប មុខសញ្ញាជួញដូរគ្រឿងញៀន នៅវេលាម៉ោង២រសៀល កាលពីថ្ងៃទី៧ ខែឧសភា ឆ្នាំ២០១៥ ស្ថិតនៅចំណុចភូមិកោះកែវ (ចាន់ទ្រា) ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ និងឃាត់ខ្លួនបានមុខសញ្ញាជួញដូរថ្នាំញៀនម្នាក់ រួមទាំងវត្ថុតាងគ្រឿងញៀនប្រភេទមេតំហ្វេតាមីន ក្រាម ពណ៌ស ចំនួន១ថង់តូច ។
លោកស៊ី ឌី អធិការស្រុកមង្គលបូរីបានប្រាប់ឲ្យដឹងនៅព្រឹកថ្ងៃទី៨ ខែឧសភា នេះថា៖ ក្រោយពីទទួលព័ត៌មានពី ភ្នាក់ងារសម្ងាត់ថា ជនសង្ស័យខាងលើនេះកំពុងធ្វើសកម្មភាពចែកចាយ ភ្លាមនោះលោកក៏បានដាក់កម្លាំងនគរបាល ចុះប្រតិបត្តិការណ៍តែម្តង ។ លោកបានបន្ថែមថា ជនសង្ស័យត្រូវបានកម្លាំងសមត្ថកិច្ច ឃាត់ខ្លួនមាន ឈ្មោះចៅ វិចិត្រ ភេទប្រុស អាយុ២៥ ឆ្នាំ រស់នៅភូមិសំរោង ឃុំឬស្សីក្រោក ស្រុកមង្គលបូរី ហើយជនសង្ស័យនេះ (មុខសញ្ញាជួញដូរថ្នាំញៀនចាស់មានពាក់ព័ន្ធសំណុំរឿងមុនៗ)
លោកបន្តថា៖ ក្នុងពេលបង្ក្រាបនោះបានដកហូតបានថ្នាំញៀនប្រភេទម្ស៉ៅក្រាម ពណ៌ស ១កញ្ចប់ថង់តូច ទូរស័ព្វដៃម៉ាកណូគាចុចពិល១ គ្រឿងនិង ម៉ូតូម៉ាកហុងដាឌ្រីម សេ១២៥ ស៊េរឆ្នាំ ២០១៤ ពណ៌ខ្មៅ ស្លាកលេខបន្ទាយមានជ័យ 1J-3109 ចំនួន១គ្រឿង។ បច្ចុប្បន្នកម្លាំងសមត្ថកិច្ចកំពុងសាងសំណំរឿងជនសង្ស័យ រួមទាំងវត្ថុតាងគ្រឿង ញៀនទាំងអស់ខាងលើនេះ បញ្ជូនទៅកាន់សាលាដំបូងខេត្តចាត់ការតាមនិតិវិធីច្បាប់៕ យីហាំង
http://ift.tt/1QtnCGy
