បុរសជនជាតិខ្មែរ២នាក់ រកស៊ីលក់ថ្នាំញៀន ត្រូវប៉ូលិសចាប់ខ្លួន
ខេត្តព្រះសីហនុ៖ បុរស២នាក់ដែលបានរក្សាទុក និងចែកចាយថ្នាំញៀន ត្រូវបានកម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តព្រះសីហនុធ្វើការឃាត់ខ្លួនកាលពីយប់ថ្ងៃទី១៥ ខែឧសភា ឆ្នាំ២០១៥វេលាម៉ោង២១និង៣០នាទី នៅចំណុច ក្រុមទី៣៣ ភូមិ៥សង្កាត់លេខ៤ ក្រុង ខេត្តព្រះសីហនុ។
លោកវរសេនីយ៍ត្រីភុល ភ័ស្តា អធិការនគរបាលក្រុងព្រះសីហនុ បានប្រាប់ឲ្យដឹងថា ការចាប់ឃាត់ខ្លួននេះត្រូវបានធ្វើឡើង បន្ទាប់ពីកម្លាំងរបស់លោកធ្វើការស៊ើបអង្កេតអស់ជាច្រើនសប្តាហ៍កន្លងមក ហើយចាប់ខ្លួននៅយប់ថ្ងៃទី០៣ ខែឧសភា ឆ្នាំ២០១៥ វេលាម៉ោង២១ និង៣០នាទី នៅណុចក្រុមទី៣៣ភូមិ៥សង្កាត់លេខ៤ ក្រុង ខេត្តព្រះសីហនុ ខណះពេលជនសង្ស័យទាំងពីរនាក់ កំពុងធ្វើដំណើរទៅធ្វើសកម្មភាពចែកចាយថ្នាំញៀននៅស្រុកស្ទឹងហាវ ។
ជនសង្ស័យទាំង២នាក់មានឈ្មោះ ទី១-ចឹង ទ្រីភេទ ប្រុស អាយុ៣០ឆ្នាំមុខរបរមិនពិតប្រាកដ បច្ចុប្បន្នស្នាក់នៅក្រុមទី៣៣ ភូមិ៥ សង្កាត់លេខ៤ ក្រុងខេត្តព្រះសីហនុ (ពីបទ ជូញដូ ចែកចាយ និងរក្សាទុកថ្នាំញៀន), ទី២-ឈ្មោះស វាសនា ភេទប្រុស អាយុ៣៣ឆ្នាំ មុខរបរទិញអេតចាយកបច្ចុប្បន្ន ស្នាក់នៅក្រុម៨ ភូមិ៥ សង្កាត់លេខ៤ ក្រុងព្រះសីហនុ(ពីបទ ជូញដូ ចែកចាយ និងរក្សាទុកថ្នាំញៀន) ដោយរឹបអូសបានវត្ថុតាងមួយចំនួនរួម មាន៖ ថ្នាំញៀនមេតំហ្វេតាមិនចំនួន២០កញ្ចប់តូច និង០២កញ្ចប់ធំ -ម៉ូតូចំនួន ០២គ្រឿង -សម្ភារៈសម្រាប់សេពថ្នាំញៀនមួយចំនួន ។
បច្ចុប្បន្នជនសង្ស័យទាំង២នាក់ រួមជាមួយវត្ថុតាងកំពុងត្រូវបាន សាកសួរ និងកសាងសំណុំ រឿង បញ្ជូនទៅកាន់សាលាដំបូងខេត្តព្រះសីហនុ ចាត់ការតាមច្បាប់៕ ដោយ សមុទ្រខៀវ
http://ift.tt/1B7xcWw
