អាជ្ញាធរខេត្តតម្រូវឲ្យម្ចាស់តូបលក់ដូរតាមមាត់សមុទ្រ ធ្វើអនាម័យបារពារបរិស្ថានឆ្នេរ
ខេត្តព្រះសីហនុ៖ លោក ឈិត សុខុន អភិបាលខេត្តព្រះសីហនុ ធ្វើការព្រមានដល់ម្ចាស់អាជីវករ ដែលប្រកបមុខ របរកស៊ីនៅតាមឆ្នេរសមុទ្រ ត្រូវថែរក្សាបរិស្ថាន នៅតាមតូបរបស់ខ្លួនឲ្យបានស្អាត ចៀសវាងការបង្ហូរកាកសំណល់រឹង រាវចូលក្នុងសមុទ្រ ប្រសិនបើបងប្អូនអាជីករណាមិនគោរពទៅតាមការជូនដំណឹងរបស់សាលាក្រុង សាលាខេត្តទេនោះ យើងនឹងធ្វើការបិទអាជីវកម្មនោះទាំងស្រុង ។
លោក ឈិត សុខុន បានថ្លែងព្រមានបែបនេះក្នុងឱកាសលោកដឹកនាំមន្ត្រីមន្ទីរជំនាញពាក់ព័ន្ធ មានមន្ទីរសាធារណការ និងដឹកជញ្ជូន មន្ទីរទេសចរណ៍ មន្ទីរបរិស្ថាន សាលាក្រុងព្រះសីហនុ ចុះពិនិត្យមើលអាងចម្រោះនៅឆ្មេរអូរឈើទាលនាថ្ងៃទី១៤ ខែឧសភា ឆ្នាំ២០១៥ ដោយ បញ្ជាក់ថា អាជ្ញាធរក្រុង ខេត្ត បានចេញសេចក្តីជូនដំណឹងដល់បងប្អូនម្ចាស់អាជីវករ ដែលប្រកបមុខ របរកស៊ីនៅតាមឆ្មេរសមុទ្រតាំងអស់រួចហើយ។
លោក ឈិត សុខុន បានបញ្ជាក់ថា ការសំអាតបរិស្ថានមិនអាចធ្វើតែអាជ្ញាធរបានទេ ត្រូវមានការសហការចូលរួមពីបងប្អូនអាជិវករ ប្រជាពលរដ្ឋ និងភ្ញៀវទេសចរផងដែរ ទើបបរិស្ថានល្អកើតឡើងយូរអង្វែង។ ដូច្នេះយើងត្រូវចូលរួមសហការទាំងអស់គ្នា ដោយកន្លងមកអាជ្ញាធរបានដឹកនាំកម្លាំំងមន្ត្រីក្រោមឱវាទចូលរួមសំអាតបរិស្ថាន នៅតាមផ្លូវសាធារណៈ ជាពិសេសកន្លែងទេសចរណ៍តំបន់ឆ្មេរ ធ្វើយ៉ាងណាឲ្យបរិស្ថាននៅតាមតំបន់នោះមានអនាម័យល្អ ដើម្បីបំរើសេវាជូនភ្ញៀវបានល្អ សកសម្យជាតារារះនាទិសនិរតី ។
បើទោះបីអាជ្ញាធរក្រុង ខេត្តខិតខំពង្រឹងអនាម័យនៅតាមតំបន់ទេសចរណ៌យ៉ាងណាក៌ដោយ គេនៅឃើញសកម្មភាពទឹកស្អុយនៅតាមតំបន់មួយចំនួននៅតែបន្តហូរចូលទៅក្នុងសមុទ្រនៅជាប់របងក្រុមហ៊ុន (អារីស្តុន) ធ្វើឲ្យភ្ញៀវទេសចរជាតិ និងអន្តរជាតិមានការរអូរថា ដោយសារមានទឹកស្អុយហូរចូលទៅក្នុងសមុទ្រ ធ្វើឪ្យការចុះទៅងូតទឹកសមុទ្រមានក្លិនមិនល្អ និងកន្លែងខ្លះទៀតទឹកសមុទ្រមានពណ៌ខ្មៅ ស្អូយ រមាស់ទៀតផង ហើយសកម្មភាពទឹកស្អុយនេះនៅតែបន្តរហូតមកជាងពីរឆ្នាំមកហើយពុំទាន់ឃើញមានការកែតម្រូវសោះ៕ ដោយ សមុទ្រខៀវ
http://ift.tt/1LdbjLJ
