រថយន្តហ៊ីយ៉ានដាយដឹកស្វាយ ដាច់កាឡេបុករះបង្កាន់ដៃស្ពាន រួចក្រឡាប់ធ្លាក់ចូលអូរគ្មានទឹករងរបួសស្រាល២នាក់
ខេត្តកំពង់ឆ្នាំង៖ អ្នកបើកបររថយន្ត និង២នាក់បានរងរបួសស្រាលដោយសាររថយន្តធុនធំដឹកផ្លែស្វាយមួយគ្រឿងបានក្រឡាប់ធ្លាក់ចូលអូរ គ្មានទឹក បន្ទាប់ពីរថយន្តនោះបានដាច់កាឡេរេទៅបុកបង្កាន់ស្ពាន ។ ហេតុការណ៍នេះបានកើតឡើងនៅវេលាម៉ោង០០និង៣០នាទីឈានចូលថ្ងៃទី១៨ខែឧសភា ឆ្នាំ២០១៥ នៅក្នុងចន្លោះគីឡូម៉ែត្រ លេខ៨២ និង៨៣ ចំណុចស្ពានចឹកពពែ ស្ថិតក្នុង ភូមិស្ពករាជ ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចនគរបាលចរាចរណ៍ស្រុករលាប្អៀរបាននិយាយអោយដឹងថោ៖ រថយន្តដឹកស្វាយក្រឡាប់នោះ ម៉ាក ហ៊ីយ៉ានដាយ ពាក់ស្លាកលេខ ភ្នំពេញ 3C -1818 បើកបរដោយឈ្មោះ អ៊ុន សារិទ្ធ អាយុ២៦ឆ្នាំ មានទីលំនៅ ក្រុងប៉ៃលិន ប៉ុន្តែអ្នករងរបួសពុំបានស្គាល់អត្តសញ្ញាណទេ។
មុនពេលកើតហេតុ រថយន្តខាងលើបានដឹកស្វាយពេញចេញពីខេត្តកណ្តាល សំដៅទៅខេត្តប៉ៃលិន លុះពេលមកដល់ចំណុចកើតហេតុ បានដាច់កាឡេហើយបានបុកពារជាមួយបង្កាន់ដៃស្ពាន ផ្នែកខាងស្តាំ ដៃ រួចបានក្រឡាប់ធ្លាក់អូរគ្មានទឹក សំណាងល្អអ្នកបើកបរ និងព្រូគ្រាន់តែរង របួស ស្រាលប៉ុណ្ណោះ ចំណែកផ្លែស្វាយបានចាក់ពេញអូរ ក្នុងនោះដែរបង្កាន់ដៃស្ពានដែលធ្វើពីបេតុង បានរង ការខូចខាតមួយ ចំនួន។ ក្រោយកើតហេតុ ស្វាយមួយចំនួនធំត្រូវបានម្ចាស់ សាងរថយន្តមួយទៀតដើម្បីដឹកបន្តទៅ គោលដៅ និងសល់ស្វាយមួយចំនួនទៀតដែលបែកខ្លះៗ បានអោយប្រជាពលរដ្ឋរើសយកតាមចិត្ត។
សមត្ថកិច្ចនគរបាលចរាចរណ៍ខេត្តបានហៅរថយន្តស្ទូច ពីភ្នំពេញ មកស្ទូចក្នុងតម្លៃ៧០០ដុល្លារ ដើម្បីយករថយន្តខាងលើមករក្សាទុកដើម្បីធ្វើការដោះស្រាយជាមួយមន្ទីរសារធារណៈខេត្តរឿងធ្វើអោយខូចខាតបង្កាន់ដៃស្ពានរបស់រដ្ឋ៕ ដោយ រិទ្ធិ ជ័យ
http://ift.tt/1ecRAAH
