នគរបាលក្រុងព្រះសីហនុ ចាប់ខ្លួនបុរស២នាក់រក្សាទុកថ្នាំញៀន៩កញ្ចប់(តូច)
ខេត្តព្រះសីហនុ៖ បុរស២នាក់រក្សាទុក និងចែកចាយថ្នាំញៀន ត្រូវបានកម្លាំង ជំនាញនៃការិយាល័យនគរបានប្រឆាំងគ្រឿងញៀន នៃអធិការដ្ឋាននគរបាលក្រុងព្រះសីហនុ ធ្វើការឃាត់ខ្លួនកាលពីវេលាម៉ោង២០៣និង៣០នាទី យប់ថ្ងៃទី០៩ ខែឧសភា ឆ្នាំ២០១៥ ត្រង់ចំណុច ស្ថិតក្នុងក្រុម៨ភូមិ៣ សង្កាត់លេ៣ ក្រុង ខេត្តព្រះសីហនុ ។
លោកវរសេនីយ៍ទោ ភុល ភ័ស្តា អធិការនគរបាលក្រុងព្រះសីហនុ បានបញ្ជាក់ថា ដោយមានការសហការជាមួយ ជាមួយកម្លាំងប៉ុស្តិ៍រដ្ឋបាលសង្កាត់លេខ៣ បានធ្វើការស្រាវជ្រាវ យ៉ាងយកចិត្តទុកដាក់រហូតដល់នៅល្ងាចថ្ងៃទី០៩ ខែឧសភា ឆ្នាំ២០១៥ កម្លាំងជំនាញក្រោមការដឹកនាំដោយរូបលោកផ្ទាល់បានចុះស្ទាក់ចាប់មុខសញ្ញាចែកចាយថ្នាំញៀនបានពីរនាក់ខណៈពេលជនសង្ស័យ កំពុងធ្វើសកម្មភាពនៅតាមផ្លូវស្ថិតត្រង់ចំណុចស្ថិតក្នុងក្រុម៨ភូមិ៣ សង្កាត់លេ៣ ក្រុង-ខេត្តព្រះសីហនុ។
សមត្ថកិច្ចរឹបអូសបាន ថ្នាំញៀនប្រភេទមេតំហ្វេតាមិន ICE ចំនួន០៩កញ្ចប់(តូច) កាបូបដៃចំនួនលុយចំនួន៤១ដុល្លា ទូរស័ព្ទចំនួន៣គ្រឿង និងម៉ូតូចំនួន០១គ្រឿង។ ជនសង្ស័យដែល ឃាត់ខ្លួនទី១ -មានឈ្មោះ កោត សុយ ហៅណាក់ភេទប្រុស អាយុ២៩ឆ្នាំ មុខរបរកម្មករបច្ចុប្បន្នស្នាក់នៅផ្ទះជួល ស្ថិតក្នុងភូមិ៥ សង្កាត់លេខ៤ ក្រុង ខេត្តព្រះសីហនុ ទី១ -មានឈ្មោះ សំ សាវី ភេទប្រុស អាយុ៣២ឆ្នាំ មានមុខរបរកម្មកសំណង់ ស្នាក់នៅក្រុម២ ភូមិ២ សង្កាត់លេខ២ ក្រុងព្រះសីហនុ។ ជនសង្ស័យទាំងពីរនាក់ ត្រូវបាន សមត្ថកិច្ចកសាងសំណុំរឿងបញ្ជូនទៅកាន់សាលាដំបូងខេត្ត ចាត់ការតាមច្បាប់៕ ដោយ សមុទ្រខៀវ
http://ift.tt/1IuptZ5
