ទីតាំងស្តុកកាកសំណល់ឧស្សាហកម្ម(ផេះធ្យូងថ្ម)កំពុងការចោទប្រកាន់ថាពុំមានច្បាប់ ហើយបានបង្កផលប៉ះពាល់ដល់សុខភាពប្រជាពលរដ្ឋយ៉ាងធ្ងន់ធ្ងរ
ខេត្តព្រះសីហនុ៖ ក្រុមប្រជាពលរដ្ឋជាង៥០គ្រួសារ ស្ថិតក្នុងភូមិក្រុម២ ភូមិ៤ ឃុំអូត្រេះ ស្រុកស្ទឹងហាវ ខេត្តព្រះសីហនុ កំពុងភិតភ័យ យ៉ាងខ្លាំងជុំវិញបញ្ហារការសំណល់ឧស្សាហកម្ម(ផេះធ្យូងថ្មរបស់រោងចក្រអគ្គីសនីប្រើដោយថាមពលធ្យូងថ្ម) ដែលត្រូវបានក្រុមហ៊ុនចិនមួយ ដឹកយកស្តុកនៅក្បែរលំនៅដ្ឋានប្រជាពលរដ្ឋ។
បងស្រី អ៊ិន មុំ និងបងប្រុស កន តំណាងអោយ ប្រជាពលរដ្ឋកំពុងរស់នៅជាប់ទីតាំងស្តុកកាកសំណល់អាជីវកម្មនោះបានបញ្ជាក់អោយដឹងថា ពួកគាត់កំពុងមានព្រួយបារម្មណ៍យ៉ាងខ្លាំងជុំវិញធូលីផេះ របស់កាកសំណល់ធ្យូងថ្ម ដែលក្រុមហ៊ុនចិនបានកំពុងយកមកស្តុកនៅក្បែរផ្ទះរបស់ពួកគាត់ កំពុងបានបង្កធ្វើអោយប៉ះពាល់ដល់សុខភាពយ៉ាងធ្ងន់ធ្ងរ ព្រោះតែមួយថ្ងៃៗធូលីផេះនេះបានហុយពេញអាកាស ចូលក្នុងផ្ទះ តំបូលផ្ទះ សូម្បីតែសំលៀកបំពាក់ដែលទុកក្នុងផ្ទះក៏ប្រលាក់ធូលីផេះនេះដែរ។
បច្ចុប្បន្ននេះមានប្រជាពលរដ្ឋប្រមាណ៣ទៅ៤នាក់ហើយបានធ្លាក់ខ្លួនឈឺ ដោយភាគច្រើនជាជំងឺធ្លាក់ឈាមដោយពុំមានមូលហេតុ ជាពិសេសកូនៗរបស់មានអាការៈក្តៅ និងថប់ដង្ហើមជាញឹកញ៉ាប់ ដែលខុសពីមុនពួកគាត់រស់នៅតំបន់នោះមានសេចក្តីសុខសប្បាយ ពុំដែលមានជំងឺ និងស្ថានភាពចំឡែកយ៉ាងនេះទេ។ អាស្រ័យហេតុនេះក្នុងនាមពួកគាត់ជាជនរងគ្រោះ សូមស្នើយ៉ាងទទូចដល់អាជ្ញាធរពាក់ថ្នាក់លើ សូមមេត្តាជួយចាត់វិធានការដោះស្រាយ ជូនពួកគាត់ផង បើពុំដូចនេះទេ ទៅថ្ងៃអានាគត់ពួកគាត់អាចរងគ្រោះខ្លាំងជាងនេះ និងឈានទៅបាត់បង់ជិវិតយ៉ាងវេទនាជាក់ជាពុំខាន។
ជុំវិញបញ្ហានេះដែរ កញ្ញា ឈុន ដារី អភិបាលរងស្រុកស្ទឹងហាវ ក៏បានបញ្ជាក់អោយដឹងដែរថា ចំពោះផលប៉ះពាល់នេះ រូបកញ្ញាផ្ទាល់ក៏សូមទទួលស្គាល់ថាពិតជាមានផលប៉ះពាល់យ៉ាងធ្ងន់ធ្ងរពិតមែន ហើយដោយមើលឃើញពីផលប៉ះពាល់ទាំងនេះហើយ ទើបលោក លី វណ្ណដា អភិបាលស្រុកស្ទឹងហាវបានកោះហៅក្រុមហ៊ុនចិនឈ្មោះ ស៊ី ម៉ៅ នោះមកធ្វើកិច្ចសន្យា ដោយតម្រូវអោយភាគីក្រុមហ៊ុន នៅពេលដឹក ផ្ទេរ រក្សាទុក នូវការសំណល់ទាំងនោះ ត្រូវធ្វើការវិចខ្ចប់អោយបានត្រឹមត្រូវ រក្សាអោយបាននូវផលប៉ះពាល់ទៅលើប្រជាពលរដ្ឋដែលកំពុងរស់នៅក្បែរដោយទុកឱសានុវាទរយៈពេល៣ខែ ដើម្បីរៀបចំតាមលក្ខណៈបច្ចេកទេស។
ដោយឡែកយោងតាមប្រភពពីមន្ត្រីបរិស្ថានម្នាក់ សូមមិនបញ្ចេញឈ្មោះបានលួចបង្ហើបអោយដឹងថា ចំពោះក្រុមហ៊ុនចិនឈ្មោះ ស៊ីម៉ៅ ដែលកំពុងបង្កផលប៉ះពាល់ដល់សុខភាពប្រជាពលរដ្ឋនេះ កំពុងធ្វើល្បិចកន្ទេលធំបន្លំដេក ដោយយកប្រើច្បាប់អាជីវកម្មផ្សេង មកប្រកបអាជីវកម្មទទួលស្តុកកាកសំណល់ឧស្សាហកម្មទៅវិញ។ តាមការពិតក្រុមហ៊ុនមួយនេះ ពុំមានអាជ្ញាប័ណ្ណក្នុងការទទួលយកកាក់សំណល់ឧស្សាហកម្មនេះទេ ហើយកន្លងមកក្រុម ហ៊ុនមួយនេះក៏ធ្លាប់ត្រូវបានអន្តរក្រសួងមានក្រសួងឧស្សាហកម្មរ៉ែ និងថាមពល សហការជា មួយក្រសួងបរិស្ថានចុះមកធ្វើការណែនាំអោយធ្វើអាជ្ញាប័ណ្ណម្តងមកហើយដែរ តែរហូតមកដល់ពេលនេះ ក្រុមហ៊ុននេះហាក់ពុំបានបង្ហាញ អំពីភាពជាក់លាក់ណាមួយជុំវិញច្បាប់អាជី វកម្មរបស់ខ្លួននៅឡើយ ដែលវាមានភាពផ្ទុយពីក្រុមហ៊ុនដែលទទួលអាជ្ញាប័ណ្ណទទួលកាកសំណល់ឧស្សាហកម្មបែជាពុំមានសិទ្ឋក្នុងការទទួលយកនូវកាកសំណល់ឧស្សាហកម្មនេះទៅវិញ។
លោក សាមុត សុធារិទ្ឋអនុប្រធានមន្ទីបរិស្ថាន បានអះអាងផងដែរថា ចំពោះក្រុមហ៊ុនមួយនេះធ្លាប់ត្រូវបានក្រសួងបរិស្ថានណែនាំអោយសុំច្បាប់អាជីវកម្មម្តងរួចមកហើយ តែមកពេលនេះលោកនៅពុំទាន់ដឹងថា ក្រុមហ៊ុននេះទទួលបានច្បាប់អាជីវកម្មហើយរឬនៅនោះទេ តែលោកនឹងអោយក្រុមការងារចុះទៅពិនិត្យថាតើក្រុមហ៊ុននេះមានច្បាប់ហើយ ឬនៅ៕ ដោយ សមុទ្រខៀវ
http://ift.tt/1EtLlxS
