កងកម្លាំងការពារព្រំដែន ក្នុងខេត្តមណ្ឌលគិរី បានទទួលអាវភ្លៀង ដែលអំណោយរបស់ សម្ដេចតេជោសែន
ខេត្តមណ្ឌលគីរី៖ អាវភ្លៀងដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយយករដ្ឋមន្ត្រីនៃព្រះរាជាណាចក្រកម្ពុជា និងសម្តេ ចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវបាន លោក ហ៊ុន ម៉ាណែត នាយរងសេនាធិការចម្រុះ និងជាមេបញ្ជាការរងកងទ័ពជើងគោក រួមដំណើរដោយ នាយទាហាន នាយនគបាលជាន់ខ្ពស់ជាច្រើនរូបទៀត ព្រមទាំងមានការអញ្ជើញចូលរួមពីសំណាក់លោក អេង ប៊ុនហ៊ាង អភិបាលនៃគណៈអភិបាលខេត្តមណ្ឌលគិរី បាននាំយកមកចែកជូនដល់កងកម្លាំងទាំងបីប្រភេទ ដែលកំពុងឈរជើង បំពេញភារៈកិច្ច ការពារ បូរណភាពដែនដី តាមខ្សែបន្ទាត់ព្រំដែនកម្ពុជា-វៀតណាម ខេត្តមណ្ឌលគិរី ក្នុងភូមិសាស្ត្រទិសយោធភូមិ ភាគទី១ ។ ហើយពិធីនេះបានប្រព្រឹត្តទៅកាលពីព្រឹកថ្ងៃទី ៩ ខែ ឧសភា ឆ្នាំ ២០១៥ នៅតំបន់ប្រតិបត្តិការសឹករងមណ្ឌលគិរី ។
ឧត្តមសេនីយ៍ត្រី ឃិន ម៉េងស្រេង មេបញ្ជាការតំបន់ប្រតិបត្តិការសឹករងមណ្ឌលគិរី ក៏បានរាយការណ៍ស្តីពីស្ថានភាពតាមខ្សែ បន្ទាត់ព្រំដែន និងស្ថានភាពទូទៅក្នុងខេត្ត ព្រមទាំងសមទ្ធិផលនានាដែលបានកសាងក្នុងអង្គភាព ។ លោកឧត្ដមសេនីយ៍ត្រីក៏បាន ថ្លែងអំណរគុណចំពោះសម្ដេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត ដែលបានយកអំណោយដ៏ថ្លៃថ្លាមកផ្តល់ជូន ដល់កង កម្លាំងទាំងបីនាពេលនេះ ពីព្រោះថា រដូវភ្លៀងធ្លាក់បានឈានចូលមកដល់ អាវភ្លៀវគឺមធ្យោបាយមួយដ៏សំខាន់ សម្រាប់នាយទាហាន នាយទាហានរង និងពលទាហានក៏ដូចជានាយនគរបាល នាយរងនគរបាលទាំងអស់ ដែលកំពុងឈរជើងបំពេញភារកិច្ចនៅតំបន់ ព្រំដែន បានពាក់សម្រាប់ការពារទឹកភ្លៀងក្នុងពេលបំពេញបេសកកម្ម ។
មានប្រសាសន៍សំណេះសំណាលនាឱកាសនោះ លោកឧត្តមសេនីយ៍ឯក ហ៊ុន ម៉ាណែត បានពាំនាំនូវការផ្ដាំផ្ញើសាកសួរ សុខទុក្ខពីសំណាក់ សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនចំពោះកងទ័ព កងរាជអាវុធហត្ត និងកងនគបាលជួរមុខកំពុងឈរជើងការពារទឹកដីនៅតាមបន្ទាត់ព្រំដែនក្នុងខេត្តមណ្ឌលគិរី ទិសយោធភូមិភាគទី១ ដែលកន្លងមក បានធ្វើពលិកម្មគ្រប់បែបយ៉ាង អនុវត្តយ៉ាងម៉ឹងម៉ាត់នូវបទបញ្ជារបស់សម្តេចតេជោ ក្នុងបុព្វហេតុការពារ សុខសន្តិភាពជូនប្រទេស ជាតិ ។ លោកបានបន្តថា ការផ្តល់អាវភ្លៀងនាពេលនេះ គីជាបទបញ្ជារបស់សម្តេចតេជោ ធ្វើយ៉ាងណាត្រូវតែចែកជូនដល់កង កំលាំង ដែលកំពុងបំពេញភារកិច្ចអោយបានដល់ដៃភ្លាមៗ ក្នុងរដូវវស្សាឆ្នាំនេះ ។ លោក ហ៊ុន ម៉ាណែត ក៏បានសង្កត់ធ្ងន់ថា កងកម្លាំងទាំងបីមានតួនាទីសំខាន់ណាស់ ក្នុងការផ្តល់ភាពកក់ក្ដៅ និងការពារសន្តិសុខ ជូនប្រជាពលរដ្ឋ ៕ ឦសាន២
http://ift.tt/1JBapY8
