លោក រស់ សុគុន្ធ អតីតប្រធានភូមិបាលស្រុកស្ទឹងហាវ ធ្វើរបងថ្មចំកណ្តាលអូរ ហើយចាក់ដី លុបបំពេញវាទីយកធ្វើជាកម្មសិទ្ធ បង្កការលិចលង់ផ្ទះប្រជាពលរដ្ឋ ដែលធ្វើឲ្យប្រជាពលរដ្ឋអស់ជំនឿលើអាជ្ញាធរ
ខេត្តព្រះសីហនុ៖ វាជារឿងគូរឲ្យចាប់អារម្មណ៍បំផុតនៅពេលគេបានដឹងថា អ្នកដែលចាក់ដីលុប អូរ វាទីយកដីដោយខុសច្បាប់គឺជា លោក រស់ សុគុន្ធ អតីតប្រធានភូមិបាលស្រុកស្ទឹងហាវ ខេត្តព្រះសីហនុនោះ ពីព្រោះថា គាត់ជាមនុស្សដែលមានការយល់ដឹងច្បាស់ពីរច្បាប់ភូមិបាល ផ្ទុយពីរប្រជាពលរដ្ឋ ទូទៅប៉ុន្តែ បែរជាគាត់ បានប្រព្រឹត្តម្តងហើយម្តងទៀត ចាក់ដីរំលោភយកដីអូររហូតបានសម្រេច ធ្វើឲ្យទំហំអូរ តំបន់នោះរូមតូចចង្អៀតបង្កឲ្យមានការកកស្ធះទឹកជនលិចលំនៅដ្ឋានប្រជាពលរដ្ឋដែលរស់នៅតាមបណ្តោយម៉ាតអូរជាប្រចាំនៅពេលមានភ្លៀងធ្លាក់។
អ៊ុំប្រុសម្នាក់ឈ្មោះ សុធី ដែលជាមនុស្សចាស់ទុំរស់នៅតំបន់ខាងលើបាននិយាយរៀបរាប់ប្រាប់ឲ្យ ដឹងថា លោក រស់ សុគុន្ធ ដំបូងឡើយគេឃើញគាត់បានជួលកម្មករសំណង់ជាច្រើននាក់ចុះធ្វើការរៀប របងថ្មចាក់គ្រិះយ៉ាងរឹងមាំនៅចំពាក់កណ្តាលដីអូរតែម្តងក្នុងគោលដៅវាទីយកដីអូរនោះធ្វើជាកម្មសិទ្ធិផ្ទាល់ខ្លូន។ ក្រោយមកធ្វើបានបន្តិចក៍ត្រូវលោក ជិន សារិន អភិបាលក្រុងព្រះសីហនុបញ្ជាឲ្យមន្ត្រី ក្រោមឧវាទចុះទៅធ្វើការហាមឃាត់បញ្ឈប់សកម្មភាពការសាងសង់នោះមិនអនុញាតឲ្យមានការសាងសង់បន្តនោះឡើយ។
ប្រភពបន្តថា៖ ប៉ុន្តែក្រោយមកសំណង់របងថ្មដ៏ដែលនោះ ក៍ចាប់ផ្តើមធ្វើការសាងសង់ឡើយវិញយ៉ាងរលូន រហូតបានសម្រេចជាស្ថាពរ និងថែមទាំងបានដឹកដីរាប់រយឡានចាក់លុបបំពេញយ៉ាងរលូន រំលោភយកទាំងស្រុងតែម្តងដោយសកម្មភាពនេះគេមិនបានឃើញមានមន្ត្រីពាក់ព័ន្ធណាម្នាក់ចុះមកពនិត្យ ឬធ្វើការហាមឃាត់ដូចពេលមុនៗនោះឡើយ។ ទង្វើបែបនេះត្រូវាបានគេសង្ស័យថាជាអំពើឃុបឃិតគ្នាប្រព្រឹត្តអំពើពុករលូយយ៉ាងពិតប្រាកដពីសំណាក់មន្ត្រីថ្នាក់ដឹកក្រុងព្រះសីហនុ ទើបបានជាសកម្មភាពនេះអាចដំណើរការបានដែលបានធ្វើឲ្យពលរដ្ឋអស់ជំនឿលើអស់លោកទាំងនោះទោះហើយ។
លោក លី វ៉ានដា អភិបាលរងក្រុងព្រះសីហនុជុំវិញបញ្ហាខាងលើនេះលោកបានទទូលស្គាល់ថា កន្លងមករូបលោកពិតជាធ្លាប់បានដឹកនាំកម្លាំងជំនាញចុះទៅធ្វើការហាមឃាត់នៅរបងថ្មដែលសាងសង់ខុសច្បាប់នៅចំណុចអូរខាងលើនេះប្រាកដមែនដោយមិនអនុញាត្តិឲ្យធ្វើនោះឡើយ។ ប៉ុន្តែក្រោយមកបែរជាមានការលូចសាងសង់ឡើងវិញដោយអាជ្ញាធរក្រុងមិនបានដឹងនោះទេ។
លោក ឈិត សុខុន អភិបាលនៃគណៈអភិបាលខេត្តព្រះសីហនុ លោកបានមានប្រតិកម្មយ៉ាង ខ្លាំង បន្ទាប់ពីរលោកទទូលបានព័ត៌មាននៃការចាក់ដីចូលអូរខាងលើនេះ ដោយលោកបានមានប្រសាសន៍ ថាលោក និងបញ្ជាឲ្យមន្ត្រីជំនាញពាក់ព័ន្ធចុះទៅពិនិត្យ មើលជាក់ស្តែង និងចាប់គ្រឿងចក្រ (ដូចជារថយន្ត ដឹកដី និងអាប៊ុលឈុសដី) ដែលកំពង់ធ្វើសកម្មភាពយកមករក្សាទុកដើម្បីមានវិធានការតាមផ្លូវ ច្បាប់។ ហើយចំពោះប្លង់ដីនៅចំណុចខាងលើនេះបើមន្ត្រីជំនាញពិនិត្យឃើញថា គឺជាប្លង់ដែលគេធ្វើឡើង មាន ភាពមិនប្រក្រតីរំលោភបំពាន និងប៉ះពាល់លើដីអូរឬដីចំណីអូរអាជ្ញាធរខេត្ត និងដាក់ពាក្យបណ្តឹង ទៅសាលាដំបូងខេត្តសូមមោឃភាពប័ណ្ណកម្មសិទ្ធិនោះចោលដើម្បីរក្សាផ្ទៃអូរឲ្យនៅក្នុងសភាពដើមវិញដោយគ្មានការយោគយល់។
ដោយឡែកសំរាប់ លោក ហេង សំអាន អភិបាលរងខេត្តព្រះសីហនុក៍បានធ្វើការបញ្ជាក់ផង ដែរថា សកម្មភាពចាក់ដីលុបអូរខាងលើនេះលោកបានចុះទៅធ្វើការហាមឃាត់រូចហើយមិនអនុញាត្តិឲ្យធ្វើសកម្មភាពតទៅទៀតទេ។ ហើយចំពោះការអនុវត្តន៍ច្បាប់ បន្តលោក នឹងធ្វើការកោះហៅម្ចាស់ទីតាំងដីខាង លើនេះ ឲ្យចូលមកសាលាខេត្តដើម្បីធ្វើការពនិត្យរាល់ឯកសារពាក់ព័ន្ធ ទីតាំងដីខាងលើ។ ហើយបើ ពិនិត្យឃើញថា មានភាពមិនប្រក្រតីលោកនឹងធ្វើរបាការណ៍លំអិតដាក់ជូន ទៅលោកអភិបាលខេត្ត ដើម្បីសម្រេច និងមានវិធានការតាមផ្លូវច្បាប់។
គួរបញ្ជាក់ផងដែរថាផ្ទៃដីអូរចំណុចខាងលើនេះបើតាមការអះអាងរបស់មន្ត្រីជំនាញភូមិបាលក្រុងបានធ្វើការបញ្ជាក់ថា អូរនេះមានទំហំទទឹងកន្លែងខ្លះ១៤ម៉ែត្រ កន្លែងខ្លះ១០ម៉ែត្រ និងកន្លែងខ្លះតូចបំផុត ក៍ទំហំពី៨ទៅ៩ម៉ែត្រដែរ នេះមិនទាន់គីតពីរដីចំណីអូរដែលមានគំន្លាតពីរអូរសងខាងម្ខាងៗពី១០ ទៅ ១៥ម៉ែត្រផងទេ។ ជុំវិញបញ្ហារនេះកន្លងមកត្រូវបានប្រជាពលរដ្ឋធ្វើប្តឹងទៅ អាជ្ញាធរក្រុង ឲ្យជូយ ដោះ ស្រាយ ដែរប៉ុន្តែរលទ្ធផលគឺសូន្យជាក់ស្តែងដូចជាករណីលោក រស់សុគន្ធ ខាងលើនេះអញ្ជឹង អាជ្ញាធរ ក្រុងម្នាក់ៗសុទ្ធតែបានដឹងទាំងអស់ តែបែរជានាំគ្នាធ្វើមិនដឹងមិនឮហើយផ្ទុយទៅវីញបែរជា បណ្តែតបណ្តោយឲ្យ លោក រស់សូគុន្ធ ធ្វើរបង ថ្ម វាទី រំលោភយកដីអូរទាល់តែបានសម្រេចទើបមកនាំគ្នាធ្វើការឆោឡោហើយម្នាក់ៗឆ្លើយយករូចខ្លូនគូរឲ្យ អាម៉ាស់បំផុត៕ សមុទ្រខៀវ
http://ift.tt/1QNuSR4
