ផ្ទុះស៊ីទែនឡានដឹកសាំងលាន់យ៉ាងកក្រើក បំផ្លាញដំបូលរោងជាង និងបង្កឲ្យមនុស្ស៣នាក់របួសធ្ងន់
ភ្នំពេញ៖ បុរស៣នាក់បានរងរបួសយ៉ាងធ្ងន់ធ្ងរ បន្ទាប់ពីរថយន្តស៊ីទែនដឹកសាំងទទេមួយគ្រឿង របស់ក្រុមហ៊ុន ប្រេង PTT បានផ្ទុះបែករយះជាបំណែក នៅពេលរថយន្តមួយនេះកំពុងជួសជុល។ ហេតុការណ៍នេះ បានកើតឡើងនៅវេលាម៉ោងជាង៣រសៀលថ្ងៃទី១០ ខែកុម្ភ: ឆ្នាំ២០១៦នេះ ស្ថិតនៅភូមិអង្គ សង្កាត់ចោមចៅ ខណ្ឌពោធិសែនជ័យ ក្រុងភ្នំពេញ។ ជនរងរបួសទាំង៣នាក់ ត្រូវបានបញ្ជូនទៅសង្គ្រោះភ្លាមៗ នៅមន្ទីរពេទ្យ។
សមត្ថកិច្ចបានឲ្យដឹងថា រថយន្តស៊ីទែនសម្រាប់ដឹកប្រេងឥន្ធនៈនេះក្រុមហ៊ុន PTT បានដាក់ជួសជុលនៅការ៉ាស់របស់ខ្លួន ។ ពេលជាងកំពុងផ្សាក្បាលស៊ីទែន ស្រាប់តែ ផ្ទុះស៊ីទែនលាន់ឡើងយ៉ាងកក្រើករយះខ្ទេច និងបានប៉ើងដំបូលសង្ក័សីរោងជាងខូចចាតយ៉ាងមួយចំណែកធំ។ ហេតុការណ៍នេះបានបង្កការភា្ញក់ផ្អើលយ៉ាងខ្លាំង រហូតសមត្ថកិច្ច ចុះទៅជួយអន្តរាគមន៍ភ្លាមៗផងដែរ៕
http://ift.tt/1Q8SNut
