ក្រឡាប់រថយន្តតារាចម្រៀងបង្ករបួសស្រាល៧នាក់ ខណៈទៅច្រៀងអបអរសាទរការតែងតាំង អភិបាលខេត្តមណ្ឌលគិរីថ្មី
ខេត្តមណ្ឌលគិរី ៖ បើតាមការឲ្យដឹងពីលោកប៊ូ ប៊ុនឈាត អធិការនគរបាលស្រុកអូររាំងបានបញ្ជាក់ថា គ្រោះថ្នាក់ចរាចរណ៍មួយបានកើតឡើងនៅវេលាម៉ោង៣ និង៣០នាទីរសៀល ថ្ងៃទី១៨ ខែកុម្ភៈ ឆ្នាំ២០១៦ នៅចំណុចចន្លោះគីឡូម៉ែត្រលេខ៨៩ លេខ៩០ ស្ថិតក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។ ករណីនេះបង្កឡើងដោយរថយន្តបើកលឿនពេកក្នុងស្ថានភាពផ្លូវកោងក៏ក្រឡាប់ដោយខ្លួនឯង ។
សមត្ថកិច្ចឲ្យដឹងថា រថយន្តខាងលើម៉ាក់ ហាយឡែនឌ័រ ពាក់ស្លាកលេខ 2R-5969 អ្នកបើកបរមានឈ្មោះ កែវ សុងភីម ស្រី៤២ឆ្នាំ និងអ្នករួមដំណើរ៦នាក់ ជាតន្ត្រីករ និងអ្នកចម្រៀងធ្វើដំណើរពីភ្នំពេញ ទៅខេត្តមណ្ឌលគិរី ក្នុងបំណងចូលរួមសម្ដែងកម្មវិធីអបអរសាទរការផ្លាស់ប្ដូរតំណែងអភិបាលខេត្តថ្មី ក៏ជួបគ្រោះថ្នាក់បែបនេះតែម្ដង ប៉ុន្តែពុំមាននរណារងរបួសធ្ងន់ធ្ងរទេ៕ ឦសាន
http://ift.tt/1TsyIjd
